Shymkent qalasynyń aýmaǵynda birinshi tolyq ıntegrasııalanǵan hımııa zaýyty "Ońtústik" AEA aýmaǵynda metıl-tret-býtıl efıri jáne untaqty polıpropılen óndirý jobasyn iske asyrýda. Metıl-tret-býtıl efıri - oktan otynyn ulǵaıtýda ottektendiretin qospa. Untaqty polıpropılen - qap konteınerler, qubyrlar óndirý úshin qoldanylatyn shıkizat polımer ónimi.
О́ndiristiń jobalyq quny - 28 mlrd teńge. Joba aıasynda jylyna 80 000 tonna MTBE, 100 000 tonna untaqty polıpropılen óndirý josparlanýda. Zaýyttyń bir ereksheligi, munaı ónimderine joǵary standartty qosymsha qospa ónimderin daıyndaıdy.
Jalpy atalǵan óndiris qalanyń óńdeý ónerkásibine aıtarlyqtaı úles qosady. Naqtyraq aıtqanda, jylyna 4 mlrd teńgeniń ónimi shyǵarylmaq.
Qurylys jumystary 2018 jyly bastalǵan bolatyn. 1-kezeń 2021 jyly naýryz aıynda iske qosylmaq. Búginde zaýyt qurylysy 98 % - ǵa aıaqtaldy. Ákimshilik-turmystyq keshenniń, rezervýarlyq parki bar operatorlyq jáne tógý-quıý estakadasynyń qurylysy 100 %, tolyǵymen oryndaldy.
Zaýyt basshylarynyń aıtýynsha, 1 kezeńde 150 adamdy, 2 kezeńde 100 adamdy jumyspen qamtý kózdelýde.
