Aýdanda 8 mekteptiń qurylys-montaj jumystary júrgizildi. Atap aıtqanda, oblystyq bıýdjet esebinen jalpy konkýrstyq quny 2,9 mıllıard teńgege 5 mekteptiń qurylys jumystary bastalyp, 1,1 mıllıard teńgeniń qarjysy ıgerildi. Sondaı-aq jergilikti bıýdjet esebinen jalpy konkýrstyq quny 906,0 mıllıon teńgege 2 mekteptiń qurylys jumystary júrgizilip, 49,5 mıllıon teńgeniń qarjysy ıgerildi. Nysandardyń barlyǵy da 2021 jylǵa ótpeli.
2020-2025 jyldarǵa arnalǵan "Nurly jer" baǵdarlamasy aıasynda Maqtaaral aýdany aýmaǵynda kópbalaly az qamytylǵan 50 otbasyǵa 50 turǵyn úı satyp alýǵa 2020 jyly respýblıkalyq bıýdjet esebinen 417, 9 mıllıon teńge qarjy qaralyp, tolyq ıgerilgen. Qazirgi tańda, Maqtaaral aýdanynyń turǵyn úı-komýnaldyq sharýashylyq, jolaýshylar kóligi jáne avtomobıl joldary bóliminiń kommýnaldyq menshigine tapsyrý rásimderi júrgizilýde. Aldaǵy ýaqytta atalǵan úıler kópbalaly analarǵa tabystalatyn bolady.
Aýdan ortalyǵy Myrzakent kentinde ortalyq kitaphana kúrdeli jóndeýden ótýde. Myrzashól óńiriniń turǵyndarynyń mádenıetin jáne ıntelektýalyn damytýǵa úlken serpilis beretin alyp nysannyń qurylysyna 309 mıllıon teńge qarjy qarastyryldy. 2021 jyldyń naýryz aıynda paıdalanýǵa beriletin ortalyq kitaphanada 50 myńnan asa kitap qory saqtalady jáne arnaıy zamanaýı oqý zaly men oqý bólmeleri jumys jasaıdy. Oqýshylar úshin balalar kitaphanasy da jeke qarastyrylǵan. Mádenı nysanda túrli aqyn-jazýshylardyń, qalamgerlerdiń shyǵarmashylyq keshin ótkizý maqsatynda 200 oryndyq konsert zaly da jumys jasaıtyn bolady.
Myrzakentte qurylysy júrgen alyp nysandardyń biri - Q.Muńaıtpasov atyndaǵy ortalyq stadıony. 2066 kórermenge arnalǵan alyp nysannyń jalpy konkýrstyq quny 240 mıllıon teńge. Nysanda kórermenge arnalǵan oryndyqtardan bólek, 2 qabatty ákimshilik ǵımaraty, sportshylarǵa arnalǵan kıim aýystyratyn jáne jýynatyn bólmeler, 12 adamǵa arnalǵan syrtqy ájethana, kúzet bólmeleri bar. Sonymen qatar alyp stadıonnyń aýmaǵynda skeıdvorkaýd, kishi fýtbol alańshalary jáne voleıbol, basketbol alańshalarynyń qurylysy da qosa atqaryldy.
Myrzakenttiń kórkine kórik qosatyn taǵy bir qurylysy júrip jatqan nysan - Dańq alleıasy. S.Qojanov kóshesi boıyndaǵy máńgilik alaý eskertkishin qaıta qurý úshin 2020 jyly bıýdjetten 137 mıllıon teńge qarjy qaralyp, qurylys jumystary júrgizilýde.
Aıta keteıik, ótken jyly Maqtaaralda oryn alǵan Tótenshe jaǵdaı saldaryn joıý boıynsha 8 áleýmettik nysannyń qurylysy júrgizilýde. Onyń ishinde Myrzakent kentiniń janynan boı kótergen jańa móltek aýdanda 400-ge jýyq turǵyn úı salynyp, 1 mektep, 1 balabaqsha, 1 dárigerlik ambýlatorııa men polısııa pýnktiniń qurylysy júrip jatyr. Sonymen qatar О́rgebas, Fırdaýsı aýyldaryndaǵy mektepter aǵymdaǵy jóndeýden ótip, dárigerlik ambýlatorııa men polısııalyq tirek pýnktteri salynýda.
