Kezdesýge qatysýshylar orta bilim berýdi damytý boıynsha óz usynystaryn aıtty. Ádiskerlerdiń rólin arttyrý, rotasııa ınstıtýtyn engizý, bilim berý uıymdarynyń basshylaryna qoıylatyn talaptardy kúsheıtý, olardy taǵaıyndaý jáne attestattaý tártibin ózgertý qajettiligi týraly sóz qozǵaldy.
«Ustazdar «bilikti pedagogter basshylyq laýazymdarǵa umtylýǵa qulyqty emes», - deıdi. О́ıtkeni dırektorlardyń aılyǵy ustazdardyń eńbekaqysynan áldeqaıda tómen. Degenmen, júkteletin mindet kóp, artylatyn jaýapkershilik joǵary. Osyǵan baılanysty mektep basshylaryn taǵaıyndaý jáne olardyń jalaqysyn arttyrý boıynsha engiziletin ózgerister týraly aıttym», dep jazdy mınıstr.
Kezdesý barysynda pedagogterdi attestattaý, saladaǵy sıfrlandyrý, pedagogıkalyq etıka normalaryn saqtaý, bilim berý baǵdarlamalary men oqýlyqtardyń mazmunyn jaqsartý, qashyqtan oqytýdy uıymdastyrý máseleleri, "Altyn belgige" úmitkerlerge qoıylatyn talaptardy kúsheıtý jáne taǵy basqa ózekti máseleler kóterildi.
Jıynǵa qatysýshylar pedagog mártebesi artyp, jalaqynyń aıtarlyqtaı kóterilgenin alǵa tartty.
