Aımaqtar • 23 Qańtar, 2021

Qorǵanys mınıstri Almaty oblysyna jumys saparymen bardy

24 ret kórsetildi

Qorǵanys mınıstri Almaty oblysyna jumys saparymen baryp qaıtty. Qazirgi ýaqytta «Ile» polıgonynda bólimshelerdiń jaýyngerlik atystary ótýde, dep habarlaıdy Egemen.kz.

Jattyǵý barysynda tájirıbıe júzinde ushqyshsyz ushý apparattarymen kúresýdiń jańa tásilderi qoldanylýda. Qorǵanys mınıstrine Desanttyq-shabýyldaýshy áskerleriniń qolbasshysy general-maıor Qanysh Ábýbákirov jaýyngerlik atys kezinde tútin men búrkemeleýdiń qoldanylýyn, soqqy beretin drondarǵa baqylaý júrgizilip jatqandyǵy jaıynda aıtty. 

Sońǵy jyldardaǵy qarýly qaqtyǵystardy muqııat zerdeleýdiń nátıjesinde desanttyq-shabýyldaýshy áskerlerinde jasalǵan bul ádister jaýyngerlik daıyndyqty edáýir arttyryp qana qoımaı, sonymen qatar jeke quram arasynda úlken shyǵyndardy boldyrmaýǵa múmkindik beredi.

Jumys sapary barysynda general-leıtenant Nurlan Ermekbaev «Arystan» mamandandyrylǵan lıseıinde erlik jáne patrıotızm sabaǵyn ótkizdi.

QR Qorǵanys mınıstri árbir azamat óz eliniń patrıoty úshin áskerı mamandyq tańdaýdyń mańyzdylyǵyn, Qazaqstan Qarýly Kúshterin damytýdyń strategııalyq baǵyttaryn, zamanaýı qarý-jaraq pen áskerı tehnıkanyń túrleri jóninde aıtyp berdi. Arystandyqtarǵa arnalǵan sabaq josparynda el áskeri, onyń mindetteri jáne memleketimizdiń táýelsizdigi men aýmaqtyq tutastyǵyn qorǵaýdaǵy róli týraly mýltımedııalyq ádistemelik materıaldar kórsetildi.

«El Qarýly Kúshteriniń qazirgi kelbeti 21 ǵasyrdaǵy áskerge qoıylatyn talaptarǵa saı. Áskerı mamandyq áskerı qyzmetshilerden naqty, gýmanıtarlyq, jaratylystaný ǵylymdary boıynsha tereń bilim alýdy, sondaı-aq myqty dene daıarlyǵyn talap etedi. Mamandandyrylǵan lıseıdi bitirgennen keıin osy salaǵa sáıkes Qorǵanys mınıstrliginiń joǵary oqý oryndaryna túse alasyzdar. Esterińizde bolsyn, Otandy qorǵaý árqashan joǵary azamattyq erlik bolyp sanalady. Sizder eldiń taǵdyry, onyń bolashaqta damýy men órkendeýi jolyndaǵy jaýapkershilikti óz moınyna alatyn jańa býynsyzdar», – dep atap ótti bolashaqta qazaqstan áskerindegi ofıserlik korpýsynyń negizin qalaıtyn jastarǵa arnaǵan sózinde Nurlan Ermekbaev.

Radıoelektronıka jáne baılanys áskerı-ınjenerlik ınstıtýtyna jumys sapary barysynda Qorǵanys mınıstrine ınstıtýt bastyǵy general-maıor Asqar Mustabekov oqý úderisiniń sanıtarlyq-epıdemıologııalyq shekteýler jaǵdaıynda uıymdastyrylýyn, oqý-materıaldyq bazanyń jaı-kúıin, oqý baǵdarlamalarynyń iske asyrylýy jaıynda aıtty. Mınıstr jattyǵý keshenderin, oqý tehnıka jáne qarý-jaraq úlgilerin, oqý-ádistemelik kabınetterdiń, kafedralardyń, zerthanalardyń jabdyqtaryn kórdi.   

Qorǵanys vedomstvosynyń basshysy oqý prosesiniń mazmunyn arttyryp, áskerı kadrlardy sapaly daıarlaýǵa nazar aýdardy.  

Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar