Qala ákimi Baqytjan Saǵyntaev depýtattardy VII shaqyrylymdaǵy Parlament Májilisine saılanýymen quttyqtap, qalalyqtardyń ótinishterin sheshý úshin saılaý aldyndaǵy ýádelerdi oryndaý boıynsha birlesip jumys isteýge shaqyrdy.
B. Saǵyntaev depýtattardy «Almaty-2025 damý baǵdarlamasynyń» negizgi erejelerimen jáne «Jańa Almaty» keshendi damý josparymen tanystyrdy. Osy qujattarǵa sáıkes qala turǵyndarynyń 99,3%-yn aýyz sýmen qamtamasyz etý, bilim berý jáne densaýlyq saqtaý nysandaryn salý, sondaı-aq jol-kólik ınfraqurylymyn jaqsartý, jalǵa beriletin jáne nesıelik turǵyn úıler salý qarastyrylǵan.
Sonymen qatar olar qorshaǵan ortany jaqsartý, tarıhı ortalyqta qurylys júrgizýge shekteý qoıý, mektepke deıingi jáne qosymsha bilimmen qamtýdy keńeıtý máselelerin talqylady. Májilis depýtattary qalaǵa qosylǵan aýmaqtarda ómir súrýdiń jaǵdaıy men sapasyn jaqsartý jónindegi Almaty ákimdiginiń bastamalaryn qoldaıtyndyqtaryn bildirdi.
Eske salsaq, VII shaqyrylymdaǵy Parlament Májilisine saılaý qorytyndylary boıynsha Nur Otan partııasynan - 76, «Aq joldan» - 12, QHP-dan 10 jáne QHA-dan 9 depýtat saılandy.
