Alaıda, aımaqtaǵy karantın shekteýiniń kúsheıtilgenine qaramastan sanıtarlyq talaptardy óreskel buzǵan qoǵamdyq qyzmet kórsetý oryndary azamaı otyr. Mysaly, Taldyqorǵan qalasynda karantın shekteýine pysqyrmaı, jumysyn jalǵastyryp kelgen shaǵyn jáne orta bıznes oryndaryna qatysty 8 oqıǵa tirkelipti. Onyń ishinde 2 qoǵamdyq tamaqtaný oryny jáne 6 monsha bar. Tekserý barysynda bul oryndarda sanıtarlyq talaptardyń saqtalmaǵany anyqtalǵan. Sondaı-aq Qapshaǵaı qalasyndaǵy kazınolardyń arasynda da karantın shekteýlerine baǵynbaı otyrǵandar bar eken. Qalalyq polısııa basqarmasy arnaıy reıd júrgizip, osyndaǵy oıynhanalardyń biriniń jasyryn jumys istep turǵanyn anyqtaǵan.
- Qapshaǵaı qalasynyń polısııa qyzmetkerleri koronavırýs taralýynyń aldyn alý maqsatynda engizilgen karantın shekteýlerine qaramastan zańsyz jumys istegen kazınony anyqtap, aıyppul saldy. Bas sanıtar dárigerdiń qaýlysyna sáıkes, elimizdegi oıynhanalardyń jumysyna tyıym salynǵan. Alaıda qalada bir kazınonyń qupııa jaǵdaıda jumys istegeni anyqtaldy. Tekserý kezinde kazınoda 60 adam otyrdy. Atalǵan derek boıynsha jınalǵan foto, beınematerıaldar shara qabyldaý úshin tıisti organǵa jiberildi, - deıdi Qapshaǵaı qalalyq polısııa bóliminiń ókili.
Endi kazıno ıesi karantın talaptaryn buzǵany úshin 900 myń teńge kóleminde aıyppul tóleýi tıis.
