Sport • 25 Qańtar, 2021

Batys Qazaqstanda ústel tennısi damı túsedi

11 ret kórsetildi

Jaqynda el chempıonatynda Batys Qazaqstan oblysynyń erler komandasy altyn medalǵa ıe boldy. О́ńir basshysy Ǵalı Esqalıev bul sporttyń odan ári damýyna kóńil bólýdi tapsyrdy dep habarlaıdy Egemen.kz.

О́tken aptada Qaraǵandy qalasynda jeke-komandalyq Qazaqstan Respýblıkasy chempıonaty aıaqtaldy. Osy saıysta komandalyq birinshilikte Batys Qazaqstan oblysynyń erler quramasy altyn medalǵa ıe boldy. Oraldyqtar fınaldaústel ıelerin 3:0 esebimen jeńip, alǵash ret el chempıony atandy. Áıelder arasynda chempıonattyń kúmis medalyn da batysqazaqstandyq komanda jeńip aldy. El chempıonatynan úlken jeńispen kelgen komanda sportshylarymen Batys Qazaqstan oblysynyń ákimi Ǵalı Esqalıev arnaıy kezdesip, oblys quramasynyń jattyǵý barysyn tamashalady.

– Men sizderdi osy tamasha jetistikterińizben quttyqtaımyn. Oblys tarıhynda alǵash ret erler quramasy respýblıka chempıonatynyń altynyn jeńip aldy. О́tken jyly oblystyń áıelder quramasy chempıon atandy. Ústel tennısi dene qozǵalysy belsendiligin arttyratyn óte qyzyqty sport túri. Ol elimizde jyldan jylǵa damyp keledi. Shyndyǵyna kelsek, ústel tennısi keńinen nasıxattaýǵa laıyq sport túri. Ol úshin ústel tennısin oınaýǵa qyzyǵatyndar sanyn arttyryp, tennıs ústelderin kóptep ornalastyrý kerek. Ol asa qıynǵa soqpas, – dedi oblys ákimi.

Búginde Batys Qazaqstan oblystyq erler komandasyquramynda aǵaıyndy Aıdos pen Dastan Kenjeǵulov, Sanjar Jubanov, Damır Melsov, Bolat Nıetqalıev syndy sportshylar bar. Qaraǵandydaǵy saıysta Dastan men Aıdos juptasyp óner kórsetýden – úshinshi oryn, qyzdar arasynda Gúlchehra Hýseınova – ekinshi, Alsý Saparova – úshinshi oryn alsa, aralas jupta Aıdos Kenjeǵulov shymkenttik Ánel Baqytpen birge birinshi oryndy jeńip aldy. Al jekpe-jek saıysta Dastan – ekinshi, Aıdos – úshinshi, Gúlchehra men Alsý – úshinshi orynnan kórindi.

Aıta keteıik, oraldyq eki sportshy Qazaqstan Respýblıkasy Ulttyq Quramasy sapynda. Olar qazir halyqaralyq jarystarǵa, aqpan-naýryz aılarynda Katarda ótetin Azııa Olımpıadalyq irikteý týrnırine daıyndalýda.

Kezdesýde óńirde ústel tennısin odan ári damytý úshin eń aldymen jáıli ári zamanaýı quraldarmen jabdyqtalǵan zal qajettigi de áńgime boldy. Oral qalasynda tennıs saraıy bolǵanymen, ol ústel tennısi zalyna qoıylatyn erekshe talaptarǵa saı emes eken.

О́ńir basshysy sportshylardyń usynys-pikirin tyńdap, oblystyq sport basqarmasyna zal boıynsha máseleniń ońtaıly sheshimin daıyndaýdy tapsyrdy.

Sońǵy jańalyqtar

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar