Saıasat • 25 Qańtar, 2021

B.Baıbek: Nurotandyq depýtattyń 616-sy – jastar

158 ret kórsetildi

Elbasy, partııa Lıderi Nursultan Nazarbaevtyń kelisimimen «Jas Otan» Ortalyq keńesiniń otyrysynda Nurjan Jetpisbaev «Nur Otan»-nyń jastar qanatynyń jańa basshysy bolyp saılandy. Bul týraly partııa Tóraǵasynyń birinshi orynbasary Baýyrjan Baıbek Facebook jelisindegi jazbasynda aıtty, dep habarlaıdy Egemen.kz

«Búginde «Jas Otan» – 20 jyldyq tarıhy bar jaı ǵana jastar uıymy emes, mańyna 35 jasqa deıingi 100 myńnan astam belsendi qazaqstandyqty toptastyrǵan iri birlestik. Damyǵan óńirlik ınfraqurylymy, zań shyǵarýshy jáne barlyq deńgeıdegi ókildi organdarda depýtattyq korpýsy bar irgeli uıym.

Osy saılaýda «Nur Otan» partııasy jastarǵa júıeli qoldaý kórsetti, olardyń ókilderi shtab múshelerimen birge belsendi úgit-nasıhat jumystaryn júrgizip, barlyq derlik saılaýaldy is-sharalarǵa qatysty.

1

Saılaý qorytyndysy boıynsha Elbasy belgilegen kvotanyń arqasynda bizdiń partııadan barlyq deńgeıdegi máslıhattardaǵy jas depýtattardyń sany 3 ese, ıaǵnı 7-den 23%-ke deıin artty. Osylaısha, 2701 nurotandyq depýtattyń 616-sy – jastar ókilderi boldy.

Olar 6 mıllıonnan astam qazaqstandyq jastardyń múddesin bildiretin bolady», dep jazdy Baýyrjan Baıbek.

Sondaı-aq, Baýyrjan Baıbek partııa tarapynan jastardy qoldaý maqsatynda atqarylatyn is-sharalar jáne «Jas Otan» JQ men jas depýtattarǵa júkteletin mindetterge toqtaldy.

«О́zderińizge belgili, Elbasynyń qatysýymen taıaýda ótken «Jas Otan»-nyń Sezinde 5 jyldyq «Jastar-Otanǵa!» baǵdarlamasy qabyldanǵan bolatyn. Bul qujat jastardy qoldaý boıynsha 100 naqty júıelik sharany qamtıdy. Olardyń qatarynda áleýmettik lıftiler qurý jáne jastar bastamalaryn júzege asyrý, jumysqa ornalastyrý jáne bilim sapasyn kóterý sekildi kóptegen máseleler bar.

«Jas Otan»-nyń jańa basshylyǵy men jas depýtattyq korpýs aldynda osy baǵdarlamany tıimdi júzege asyrý mindeti tur.

Eń aldymen, baǵdarlamanyń árbir baǵytyna jaýaptylardy belgileı otyryp, respýblıkalyq jáne 216 óńirlik jol kartasyn bekitý qajet.

Taǵy bir mańyzdy mindet – Memleket basshysy Qasym-Jomart Toqaevtyń «Jastar saıasaty týraly» jańa zań ázirleý jónindegi tapsyrmasyn júzege asyrý. Bizdiń jas depýtattarymyz «Jas Otan»-men birlesip, partııanyń qoldaýymen osy jumysqa belsendi atsalysýy, jastardy jumyldyryp, sarapshylar toptary arasynda jan-jaqty talqydan ótkizýi tıis.

«Jas Otan»-nyń jańa basshylyǵy men jas depýtattarymyz alǵa qoıylǵan mindetterdi abyroımen atqaryp shyǵady dep senemin. Qıyndyqtardy eńserip, jeńiske birge jetemiz!», dep túıindedi  dedi B.Baıbek.

Sońǵy jańalyqtar

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar