Qazaqstan • 25 Qańtar, 2021

Qazaqstanda toqyma óndirisiniń qarqyny qandaı?

10 ret kórsetildi

2020 jylǵy qańtar-jeltoqsan aılaryndaǵy statıstıkalyq derekterge sáıkes, elimizdiń jeńil ónerkásip óndirisi kóleminde toqyma óndirisi negizgi úlesti - 55% alyp otyr. Aqshalaı alǵanda 71 mlrd. teńge. Bul ótken jyldyń sáıkes kezeńinen 18%-ǵa joǵary.

Toqyma óndirisi sektoryndaǵy ósim maqta talshyǵy kóleminiń 18%, maqta-mata matalarynyń 59%, sıntetıkalyq jáne jasandy jipterden jasalǵan matalardyń 85% artýy esebinen boldy.

Toqyma óndirisinde negizgi úlesti Shymkent qalasy (25% nemese 17,7 mlrd.teńge) jáne Túrkistan oblysyna (31% nemese 31 mlrd. teńge) tıesili.

Dástúrli túrde maqta Túrkistan oblysynda ósiriledi. Tıisinshe, maqta óńdeý kásiporyndary negizinen osy óńirde shoǵyrlanǵan. Sonymen qatar, tabıǵı toqyma talshyqtary ishinde maqta talshyǵy - eldegi óndiris kólemi boıynsha eń úlken top.

Jedel derekter boıynsha, 2020 jyly maqta talshyǵynyń óndirisi 18% artyp, 74 626 tonnaǵa jetti. Otandyq kásiporyndar shamamen 10 myń tonnany qaıta óńdedi.

2020 jyldyń 11 aıynda eksport 51 893 tonna nemese 68,5 mln. doll. AQSh qurady. О́nimder negizinen Latvııa, Túrkııa jáne Qytaı elderine jetkizildi.

Maqta talshyǵyn qaıta óńdeıtin otandyq kásiporyndardyń aqparaty boıynsha 2021 jyly shamamen 14-15 myń tonna maqta talshyǵyn qaıta óńdeý josparlanyp otyr.

Memleket tarapynan toqyma ónerkásibi kásiporyndaryn qoldaý ónim eksportyn ilgeriletý, eńbek ónimdiligin arttyrýdy yntalandyrý, taýarlardy ishki naryqta ilgeriletý, «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasyn iske asyrý sııaqty óńdeýshi ónerkásipke baǵyttalǵan júıeli sharalar sheńberinde kórsetiledi. Sondaı-aq, «Qarapaıym zattar ekonomıkasyn» damytý aıasynda jeńildetilgen nesıe berý qarastyrylǵan (6%-dan artyq emes).

Búginde toqyma ónerkásibi salasynda 4 kásiporyn jumys isteıdi: «Alıans» KUB (buryn «Iýteks» AQ, «Melanj» AQ), «AZALA Textile» JShS, «Azala Cotton» JShS. Olar maqta talshyǵyn ózderi óńdeıdi.  

4 toqyma kásipornynyń bireýi erekshe salyq rejımin, sondaı-aq kommýnaldyq qyzmetterge (gaz, sý, elektr energııasy) tıimdi tarıfti paıdalanatyn «Ońtústik» arnaıy ekonomıkalyq aımaqqa («AZALA Cotton» JShS) aýmaǵynda ornalasqan.

Qazirgi ýaqytta Mınıstrlik «Alıans» AQ (buryn «Iýteks» AQ, «Melanj» AQ) jáne «Azala Textile» JShS toqyma kásiporyndaryn «Ońtústik» AEA sýbaımaqtaryna qosý jumystaryn júrgizip jatyr.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar