Ekonomıka • 25 Qańtar, 2021

Ulttyq bank bazalyq mólsherlemeni 9% saqtap qaldy

10 ret kórsetildi

Qazaqstan Respýblıkasy Ulttyq Bankiniń Aqsha-kredıt saıasaty jónindegi komıteti paıyzdyq dálizdi +/–1,0 p.t. saqtaı otyryp bazalyq mólsherlemeni jyldyq 9,00% deńgeıinde saqtaý jóninde sheshim qabyldady.

Tıisinshe ótimdilikti usyný jónindegi turaqty qoljetimdi operasııalar boıynsha mólsherleme 10,00% jáne ótimdilikti alý jónindegi turaqty qoljetimdi operasııalar boıynsha mólsherleme – 8,00% bolady.

Sheshim ınflıasııany orta merzimdi kezeńde 4–6%-dyq nysanaly dálizge qaıtarý maqsatynda qabyldanyp, táýekelder teńgeriminiń proınflıasııalyq faktorlar jaǵyna qaraı yǵysýymen negizdeldi. Syrtqy jáne ishki ınflıasııalyq qysym ulǵaıdy, azyq-túlik baǵasynyń odan ári kóterilý táýekeli artty, ınflıasııalyq kútýlerdiń joǵarylaýy baıqalady. Sonymen qatar elde jáne álemde koronavırýstyq ınfeksııaǵa baılanysty belgisizdik saqtalýda.

Jyldyq ınflıasııa 2020 jyldyń qorytyndysy boıynsha Ulttyq Banktiń boljamyna sáıkes qalyptasyp, 7,5% boldy.

Azyq-túlik ınflıasııasy álemdik baǵa men ishki óndirýshiler baǵasynyń serpinine baılanysty maıdyń, jumyrtqanyń, qanttyń jáne kókónisterdiń aıtarlyqtaı qymbattaýy nátıjesinde 11,3%-ǵa (j/j) deıin jyldamdady.

Azyq-túlik emes ınflıasııa 5,5% (j/j) boldy. Kıim, aıaq kıim, JJM baǵasynyń ósýi báseńdegen kezde epıdemıologııalyq jaǵdaıǵa, sondaı-aq qashyqtan jumys isteý jáne oqý jaǵdaıynda suranystyń saqtalýyna baılanysty dári-dármekter, úı turmysyndaǵy zattar men turmystyq tehnıkanyń baǵasy kóterildi.

Servıstik ınflıasııanyń 4,2%-ǵa (j/j) deıin jyldamdaýy rettelmeıtin aqyly qyzmetterdiń qymbattaýyna baılanysty boldy. Negizgi úles suranystyń birtindep qalpyna kelýi aıasynda qoǵamdyq tamaqtaný, qonaq úı qyzmetteri, turmystyq qyzmetterdiń jekelegen túrleri men jeke kútim qyzmetteri qunynyń jyldyq ósýimen qamtamasyz etildi.

Bazalyq ınflıasııa kórsetkishteri ınflıasııalyq prosesterdiń jyldamdaýyn kórsetedi. Máselen, jemister men kókónisterdi, retteletin kommýnaldyq qyzmetter, temirjol kóligi, baılanys, benzın, dızel otyny men kómirdi qospaǵanda jyldyq kórsetkishtegi maýsymdyq taza bazalyq ınflıasııa 2020 jylǵy jeltoqsanda 7,9%-ǵa deıin (qyrkúıek-qazanda – 5–6%) jyldamdady.

Inflıasııalyq kútýler 2020 jylǵy jeltoqsanda bir jyl buryn kútiletin ınflıasııany sandyq baǵalaý 7,6%-ǵa deıin azdap tómendegen kezde joǵary bolyp qalyp otyr. Qazirgi nemese baǵalardyń neǵurlym jyldam ósýin kútetin respondentterdiń úlesi 50% boldy (2020 jylǵy qarashada – 52%).

Qazaqstan ekonomıkasy 2020 jyly 2,6%-ǵa qysqardy, bul Ulttyq Banktiń boljamdaryna sáıkes keledi. IJО́-niń qysqarýyna taý-ken óndirisi, saýda jáne kóliktiń tómendeýi teris áserin tıgizdi. Taý-ken ónerkásibindegi quldyraý munaı men gaz kondensatyn óndirý kóleminiń tómendeýine baılanysty. Kóliktiń qysqarýyna júk aınalymy men jolaýshylar aınalymy kóleminiń tómendeýi yqpal etti. Saýdanyń teris serpini karantındik shekteýlerdiń saqtalýyna jáne tómen suranysqa baılanysty boldy. Sonymen qatar, IJО́ serpinine óńdeý ónerkásibi, aýyl sharýashylyǵy, qurylys, aqparat jáne baılanys, sondaı-aq memlekettik sektor oń úles qosty.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar