Parlament • 25 Qańtar, 2021

Senatorlar notarıat týraly zań jobasyn qaraıdy

5 ret kórsetildi

Palata Tóraǵasy Máýlen Áshimbaevtyń tóraǵalyq etýimen Bıýro otyrysy boldy. Bul týraly Senattyń baspasóz qyzmeti habarlady.

Senatorlar Parlament depýtattary bastamasymen ázirlengen "Qazaqstan Respýblıkasynyń keıbir zańnamalyq aktilerine notarıat máseleleri boıynsha ózgerister men tolyqtyrýlar engizý týraly" zań jobasyn qaraıtyn boldy. Qujat notarıat qyzmetin odan ári sıfrlandyrýǵa jáne azamattardyń derbes derekterin qorǵaýdy kúsheıtýge baǵyttalyp otyr. Sondyqtan notarıat qupııasyn saqtaýǵa qoıylatyn talaptar da kúsheıe túsetin bolady.

Depýtattar sondaı-aq "2014 jylǵy 29 mamyrdaǵy Eýrazııalyq ekonomıkalyq odaq týraly shartqa ózgerister engizý týraly hattamany ratıfıkasııalaý týraly" zań jobasyn qaraýǵa shyǵardy. Qujat Eýrazııalyq ekonomıkalyq komıssııaǵa energetıka, tehnıkalyq retteý, makroekonomıka, básekelestik jáne veterınarııa salalarynda qosymsha ókilettikter beredi.

Senatorlar sonymen qatar "2017 jylǵy 11 sáýirdegi Eýrazııalyq ekonomıkalyq odaqtyń Keden kodeksi týraly shartqa ózgerister engizý týraly hattamany ratıfıkasııalaý týraly", "2014 jylǵy 12 qarashadaǵy Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimge Armenııa Respýblıkasynyń qosylýy týraly hattamany ratıfıkasııalaý týraly", "Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Serbııa Respýblıkasy arasyndaǵy erkin saýda týraly kelisimdi ratıfıkasııalaý týraly" jáne "Qazaqstan Respýblıkasynyń Úkimeti men Bilim, ǵylym jáne mádenıet máseleleri jónindegi Birikken Ulttar Uıymy (IýNESKO) arasyndaǵy IýNESKO aıasynda Mádenıetterdi jaqyndastyrý halyqaralyq ortalyǵyn (2-sanat) qurý týraly kelisimdi ratıfıkasııalaý týraly" zań jobalaryn da talqyǵa salady.

Sondaı-aq senatorlar Májilisten kelip túsken birqatar zań jobalaryn turaqty komıtetterge bólip berdi.

Sońǵy jańalyqtar

Uqsas jańalyqtar