Jer jahandy jaılaǵan pandemııaǵa baılanysty aıtýly jarys kórermensiz ótedi. «Buǵan deıin biz biraz bılet satyp úlgergen edik. Aldaǵy ýaqytta da qatarymyz taǵy da tolyǵa túsetinine kúmánimiz bolmady. Sebebi, sońǵy kezderi shańǵy sportyna degen qyzyǵýshylyq kúrt artyp keledi. Alaıda pandemııanyń qaıta órshýi barlyq josparymyzdyń byt-shytyn shyǵardy. Amal joq, barshaǵa ortaq talapqa kónýge týra keledi. Endi satylǵan bıletterdiń aqshasyn óz ıelerine qaıtaramyz», deıdi uıymdastyrýshylar.
Esterińizge sala keteıik, osynyń aldyndaǵy álem chempıonaty 2019 jyly Aýstrııanyń Zefeld qalasynda ótip, jalpy komandalyq saıys Norvegııa quramasynyń aıqyn jeńisimen aıaqtaldy. Skandınavııa túbeginiń túlekteri 13 altyn, 5 kúmis jáne 7 qola medaldi ıelendi. Ekinshi jáne úshinshi oryndarǵa Germanııa (6 altyn+3 kúmis) men Shvesııa (2 altyn+2kúmis+1 qola) jaıǵasqan edi.
