Qazaqstan quramasy orta synyp oqýshylaryna arnalan eń bedeldi International Mathematics and Science Olympiad (IMSO) halyqaralyq olımpıadasynan bes medal utyp aldy. Qazaqstandyq oqýshylardyń qorjynynda bir «altyn», bir «kúmis» jáne úsh «qola» medal.
IMSO – 13 jasqa deıingi 4-8 synyp oqýshylaryna arnalǵan matematıka men fızıka olımpıadasy. Bıyl jarys 17-ret uıymdastyrylyp otyr. Oǵan Qytaı, Sıngapýr, Úndistan, Ońtústik Koreıa men BAÁ sekildi 15 elden 150 oqýshy qatysty.
Sharany uıymdastyrýshy el Indonezııa. Koronovırýstyq shekteýlerge baılanysty Olımpıada onlaın ótti. Qazaqstan quramasyna el ishindegi irikteý jarystarynda eń jaqsy kórsetkish kórsetken 6 oqýshy endi.
Júldeli bolǵan qazaqstangdyq oqýshylar:
— «Altyn»: Adı Quralov | 6 synyp | Nur-Sultan |№ 75 mektep;
— «Kúmis»: Tımýr Qılybaev | 5 synyp | Almaty | № 165 lıseı;
— «Qola»: Batyrhan Beıǵanov | 5 synyp | Almaty | № 165 lıseı;
Artýr Mýratov | 6 synyp | Almaty | № 90 arnaıy lıseı;
Alısa Abdýlova | synyp | Almaty | RFMM.
«IMSO – orta mekteptiń oqýshylaryna arnalǵan eń bedeldi halyqaralyq olımpıada. Oǵan qatysýdyń ózi úlken abyroı. Jyl saıyn qazylar jarysqa arnap avtorlyq tapsyrmalar daıyndaıdy. Qazaqstandyq oqýshylardyń jeńisi biz úshin úlken maqtanysh. Quramamyz keremet nátıje kórsetti», deıdi Qazaqstan atynan uıymdastyrý komıtetiniń jetekshisi, «Pıfagor» onlaın mektebiniń negizin qalaýshy Asan Joldasov.
