Aımaqtar • 26 Qańtar, 2021

Pavlodarda 12 jyldan beri izdeýde júrgen reseılik azamat ustaldy

249 ret kórsetildi

Pavlodar oblysynda 12 jyldan beri izdeýde júrgen reseılik azamat ustaldy, – dep habarlaıdy Polisia.kz.

– Pavlodarlyq jedel ýákilder 12 jyl boıy memleketaralyq izdeýde júrgen Reseı Federasııasynyń azamatyn ustady. Ol 2009 jyly Reseı Federasııasynyń Ivanovo qalasynda velosıped urlaǵan. Oǵan qatysty qylmystyq is qozǵalyp, izdeý jarııalanǵan. 31 jastaǵy azamat 12 jyl boıy polısııadan jasyrynyp júrgen. Osy jyldar ishinde ol turǵylyqty jerin únemi ózgertip otyrǵan. Jedel ýákilder izdeý jarııalanǵan er adamdy Pavlodar qalasynyń jaldamaly páterleriniń birinen ustady. Ol ýaqytsha ustaý ızolıatoryna qamaldy. Onyń ustalǵany týraly izdestirý bastamashylaryna habarlandy. Ekstradısııalaý máselesi sheshilýde, – dedi Pavlodar oblysy Polısııa departamenti Krımınaldyq polısııa basqarmasynyń bastyǵy Balǵabaı Qaparov.

Polısııa departamentiniń qyzmetkerleri halyqaralyq tapsyrmalar aıasynda basqa memleketterdegi áriptesterimen tyǵyz qarym-qatynasta jumys istep jatqanyn atap ótti. Aıta ketý kerek, 2020 jyly izdeýde 217 qylmysker boldy, olardyń 118-iniń júrgen jeri anyqtaldy.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar