Aımaqtar • 27 Qańtar, 2021

Arysta joǵalǵan bir úıir jylqy tabyldy

29 ret kórsetildi

Túrkistan oblysynyń polıseıleri joǵalǵan bir úıir jylqyny táýlik ishinde tapty, – dep habarlaıdy Polisia.kz.

Túrkistan oblysy Polısııa departamentine qarasty Arys APB-niń kezekshilik bólimshesine jergilikti turǵynnan aryz túsedi. Aryzdanýshy jaıylymdyq jerdegi 12 bas jylqysynyń ushty-kúıli joǵalyp ketkenin aıtady. Joǵalǵan jylqylardy tez arada tabý úshin aýdandyq polısııa bóliminiń tájirıbeli polıseılerinen birneshe mobıldik top quryldy. Olar aýyldyń shyǵar jerlerin tekserip, jylqylar jaıylatyn aımaqqa qaraı birden baǵyt alyp izdestirýdi bastap ketedi.

Aýyl-aımaqtyń barlyq jaıylymdyq jerlerine tintý júrgizip, kórgen-bilgen turǵyndardan suraq-jaýaptar alady, sonymen qatar mal bazarlar men mal tasymaldaıtyn kólikter tyńǵylyqty tekseriledi. Nátıjesinde, bilikti polıseıler alty shaqyrym jerdegi “kókkópir” dep atalatyn jazyq daladan jylqylardy bir kúnniń ishinde taýyp, aýylǵa aıdap ákeledi. Osylaısha joǵalǵan bir úıir bas jylqy ıesine tapsyryldy. Jylqylar joǵalǵan sátten bastap jedel áreket etip, ury-qarynyń qolyna túspeýine septigi tıgen polıseılerge jábirlenýshiniń aıtar alǵysy sheksiz.

– Tártip saqshylary 12 bas jylqymdy kún-túnge qaramastan izdestirip, taýyp berdi. Tájirıbeli polıseılerdiń arqasynda jylqylarym din aman tabylyp otyr. Polıseılerdiń shyn máninde jedel qyzmet etetinine kóz jetkizdim. Alǵysym sheksiz. Qyzmetteriń abyroımenen asa bersin. Rahmet sizderge, – degen mal ıesi saqshylarǵa rızashylyǵyn jetkizdi.

О́z kezeginde oblys polıseıleri mal jaıylymynda maldardy qaraýsyz qaldyrmaýǵa jáne uqypty bolý kerektigin aıtady. Sondaı-aq mal turaǵynyń sharýashylyq jaıy muqııat bekitilip, qajetinshe en salynyp, tańbalanýy tıis. Mal qoralardy da jaqsylap qorshap, bekitip, jaryqtandyrǵan jón. Tórt túlik joǵalsa nemese urlansa, ýaqyt joǵaltpaı polısııa bólimine tez arada habarlasqanyńyz durys.

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar