Qoǵam • 27 Qańtar, 2021

3 myń eriktige QazCovid-in vaksınasy egildi

22 ret kórsetildi

Búgin OKQ ótken baspasóz máslıhatynda Densaýlyq saqtaý birinshi vıse-mınıstri Marat Shoranov úsh myń eriktige otandyq QazCovid-in vaksınasy egilgenin málimdedi, dep habarlaıdy Egemen.kz

«11 qańtar kúni eriktilerdi irikteý aıaqtalyp, 3000 adamǵa egildi. Qazirgi ýaqytta zertteýge qatysýshylarǵa dınamıkalyq baqylaý júrgizilýde. Vaksınasııadan qorǵanys áseri birinshi dozany engizgennen keıin 12 kúnnen keıin biline bastaıdy, biraq tolyq qorǵaýdy qamtamasyz etý úshin eki doza qajet, olardy 19 kúnnen 23 kúnge deıingi aralyqpen engizý usynylady. Vaksına organızmniń ımmýndyq reaksııasyn týdyrady», dedi Marat Shoranov OKQ-da ótken baspasóz máslıhatynda.

Osydan keıin ımmýndyq júıe vırýsty tanyp, antıdeneler paıda bola bastaıdy. Aýrýmen kúresý úshin paıda bolatyn aqýyzdar, vırýsty este saqtap, eger vırýs qaıtadan denege ense, onda ımmýndyq júıe dereý áreket etip, ony joıady.

Onyń kóbeıýine jáne aýrýdyń týdyrýyna jol bermeıdi. Eske salsaq, ǵalymdar qazaqstandyq QazCovid-in vaksınasyn ázirleý tehnologııasy týraly aıtyp berdi.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar