Aımaqtar • 28 Qańtar, 2021

Almatynyń jańa yqshamaýdandarynda segiz mektep salynady

115 ret kórsetildi

Almaty ákimi jumys sapary kezinde mektepter men sporttyq nysandar qurylystarynyń barysymen tanysty, dep habarlaıdy Egemen.kz

Qala ákimi B.Saǵyntaev Instagram-daǵy óziniń paraqshasynda Almatyda oqýshy oryndarynyń tapshylyǵyn azaıtý boıynsha júrgizilip jatqan jumystar týraly aıtty. Ol Túrksib aýdanynyń Qaırat yqshamaýdanyndaǵy 1500 orynǵa arnalǵan mektep qurylysynyń alańynda jáne Bostandyq aýdanyndaǵy 425 oryndy №199 mekteptiń jańa korpýsynda boldy.

«Bıyl jyl sońyna deıin qala bıýdjeti esebinen Naýryzbaı aýdanyndaǵy Qalqaman-2, Alataý aýdanyndaǵy Nurkent, Mádenıet, Saıaly, Tomırıs, Darhan yqshamaýdandarynda jáne joǵaryda atalǵan Túrksib aýdanynyń Qaırat yqshamaýdanyndaǵy 8 mektepti tapsyrýdy josparlap otyrmyz», dep jazdy B. Saǵyntaev.

Qyrkúıekke qaraı Bostandyq, Áýezov, Almaly, Jetisý aýdandaryndaǵy 17 mekteptiń janynan jańa korpýstar salynady. Bul rette mektep janyndaǵy aımaqtar dene shynyqtyrý jáne sportpen shuǵyldaný úshin jańa sport alańdary men stadıondar salý arqyly modernızasııalanady. Jalpy jyl qorytyndysy boıynsha 20 700 oqýshy orny ashylatyn bolady.

Áýezov pen Túrksib aýdandarynda taǵy 2 mektep jeke ınvestısııalar esebinen salynady.

B. Saǵyntaev Túrksib aýdanyndaǵy Jas Qanat yqshamaýdanynda 150 orynǵa arnalyp salynyp jatqan dene shynyqtyrý-saýyqtyrý kesheniniń qurylys alańynda boldy. Bıyl Medeý, Jetisý, Alataý aýdandarynda osyndaı taǵy 5 keshen salynýda.

Almaty ákimi barlyq qurylys-montaj jumystaryn jyl sońyna deıin aıaqtaýdy tapsyrdy. Onyń aıtýynsha, Jańa Almatynyń shetki yqshamaýdandarynda turatyn balalardyń zamanaýı jáne jaıly jaǵdaılarda sportpen shuǵyldanýlary úshin barlyq múmkindikti jasaý qajet.

Sońǵy jańalyqtar

Tarbaǵataıdyń tańbaly tastary

Rýhanııat • Búgin, 08:01

Saýda ortalyǵyndaǵy ekpe kabıneti

Aımaqtar • Búgin, 07:56

Indettiń ekpini qatty

Aımaqtar • Búgin, 07:52

Shyǵysta shekteý kúsheıdi

Aımaqtar • Búgin, 07:47

«Aǵam bar edi mir tildi...»

Rýhanııat • Búgin, 07:42

Armanǵa qanat baılaǵan...

Rýhanııat • Búgin, 07:35

Tańǵalý sındromy 2

Rýhanııat • Búgin, 07:20

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Uqsas jańalyqtar