24 qarashada ótkizilgen tender qorytyndysy boıynsha onyń jobalyq quny – 39,8 mlrd teńge belgilenip, jol jóndeý jumystary ekige bólingenin Aqtóbe oblystyq jolaýshylar kóligi jáne avtomobıl joldary basqarmasynyń basshysy Málimbet Ibrashev habarlady. Oblys ortalyǵy men Muǵaljar aýdanynyń ortalyǵy Qandyaǵashty baılanystyratyn kúrejoldy qaıta qurylymdaý jumystarynyń bas merdigerleri – «Sıne Mıdas stroı» men «Todini costruzioni generali S.p.A» kompanııalary. Sońǵysynyń bas keńsesi Túrkııada tirkelgen. Jol jobasynyń ekinshi bóligi – 52 km-den 100 km aralyǵyn (Qandyaǵash qalasyna kiretin) «Aq jol qurylys» JShS-i, ázirbaıjandyq «AzVirt» kompanııasy jáne aqtóbelik «Assana-DorStroı» JShS-i salatyn boldy. Onyń jobalyq-smetalyq quny – 22,8 mlrd teńge dep bekitildi.
«QazAvtoJol» UK» AQ aqtóbelik fılıalynyń jetekshisi Qazybek Mámbetovtyń habarlaýynsha, qazir osy jobaǵa bekitilgen merdiger kompanııalar jol bólikterin qaıta qyryp, qurylysqa qajetti materıaldardy satyp alý jumystaryna kirisken. Qaıta salyna bastaǵan joldyń asfaltbeton jamylǵysy úsh qabatty bolyp, eń joǵarǵy jamylǵysy qıyrshyq tasty –mastıkalyq asfaltpen bekitiledi. Aqyrǵy nátıje –bir jaǵynan oblysaralyq mańyzdy joldarmen jalǵastyratyn, ekinshi jaǵynan óńirdegi munaı kenishterimen baılanystyratyn osy kúre jol tórtjolaqty bolyp ózgerip, birinshi tehnıkalyq sanatqa engiziledi. Alǵa aýdanynyń ortalyǵy – Alǵa men Muǵaljar aýdanynyń ortalyǵy Qandyaǵash qalalarynyń dál ortasynan ótetin baǵyty sál ózgertilip, qosymsha aınalma joldar salynyp, jol boıy birneshe shaǵyn kópir turǵyzylady. Kópir qurylystaryna basqa sýbmerdiger kompanııalar qatystyrylady.
Jol salynǵan kezde birneshe jumys oryndary ashylyp, sonyń ishinde 1000 aqtóbelikti jumsqa tartý josparlanǵan. Sondaı-aq jergilikti tigin sehtaryna arnaýly jumys kıimderin tigýge tapsyrys berilse, jumysshylardy azyq-túlikpen jergilikti taýar óndirýshiler jabdyqtamaqshy.
Kúre joldyń sapaly salynýyn monıtorıngtik toptar men óńirdegi sybaılas jemqorlyqqa qarsy is-qımyl jobalaryn iske asyrýshy «Adaldyq Alańy» jobalyq keńsesi úsh jyl boıy baqylaýda ustaıtyn bolady.
