Aımaqtar • 28 Qańtar, 2021

Vaksınasııa: Qostanaı oblysynda 93 egý pýnkti jumys isteıtin bolady

11 ret kórsetildi

Oblysta koronavırýstyq ınfeksııaǵa qarsy erikti vaksınasııaǵa daıyndyq jumystary aıaqtaldy. Jaýapty naýqanǵa barlyǵy 31 medısınalyq mekeme tartylaıyn dep otyr. Onyń ishinde 26 memlekettik, 5 jekemenshik emhana bar, dep habarlaıdy Egemen.kz

Mektep-ınternattar, medısınalyq-áleýmettik mekemeler men jabyq túrdegi balalar mekemeleri úshin árbir emhananyń janynan bir-birden jyljymaly egý brıgadasy shyǵady. Bulardy qosqanda, aımaqta jalpy sany 93 stasıonarlyq jáne jyljymaly egý pýnktteri jumys isteıtin bolady. Vaksınasııa pýnktterin 150-ge deıin keńeıtýge múmkindik bar.

Vaksınasııa kezinde qabyldaý, tasymaldaý jáne uıymdastyrý sharalaryna jumyldyrylatyn 160 maman aldyn ala arnaıy oqý kýrstarynan ótti.  

Sonymen qatar, vaksınasııa júrgizetin emdeý mekemelerine saqtaý temperatýrasy -20 gradýsqa deıin jáne odan da tómen 120  muzdatqysh qurylǵy satyp alynady. Bul bir mezgilde vaksınanyń 73 myń dozasyn salýǵa múmkindik beredi. Tońazytqyshtardyń alǵashqy legi osy aptanyń sońyna deıin jetkizilmek.

Munyń syrtynda, shalǵaı aýdandarǵa vaksına tasymaldaıtyn avtorefrıjerator jáne sýyq saqtaǵysh qabileti bar 100 termokonteıner satyp alynady.  Búginde oblysta 2-50 lıtrlik 817 termokonteıner bar. Qolda bar muzdatqysh jabdyqtardyń ózi qazirdiń ózinde 8,8 myń doza vaksınasııa egýge múmkindik beredi.

Oblystyq ákimdik janyndaǵy aqparattyq shtab málimeti boıynsha, eń birinshi kezekte vaksınasııa ınfeksııalyq stasıonarlardyń, jedel medısınalyq kómek qyzmetkerleriniń, jansaqtaý jáne qarqyndy terapııa bólimsheleriniń, alǵashqy medısınalyq-sanıtarlyq kómek mekemeleriniń, stasıonarlardaǵy qabyldaý bólmeleri men sanepıdqyzmettiń mamandaryna egiletin bolady.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar