50 jyldan beri jóndeý kórmegen sý qubyry tozyp, bútindeı bir kóshe bir aı tirshilik nárinsiz qalǵan edi. Turǵyndar máselesin Almaty sý kommýnaldyq kásipornyna aıtqanmen, shaǵymdary qaralmaǵan. Oǵan sebep – aýyz sý qala menshigine ótpegen. Amaly qalmaǵan jurt qalalyq «Nur Otan» partııasyna hat jazǵan.
«Internetten vatsap nomerin alyp, qalalyq «Nur Otan» partııasyna hat jazdym. Eki kúnnen soń meniń suraǵym sheshildi. Qalalyq sý jelisine qosyp, máselemiz retteldi. Qazir úıimizde sý bar, bári jaqsy», dedi Jetisý aýdanynyń turǵyny Elmıra Qojahmetova.
Odan bólek, mundaǵy sý qubyryna qalpyna keltirý jumystarymen birge súzgiler, esepteýish quraldary da jańasyna aýystyryldy. Aýdan turǵyndary jumys belgilegen merzimde tolyq jáne sapaly oryndalǵanyna qýanyshty.
