Qazaq ádebıetindegi shoqtyǵy bıik shyǵarmalar men álem ádebıeti jaýharlarynyń úzdik aýdarmalaryn basyp shyǵarýdy maqsat tutqan joba 2020 jyldyń basynda qolǵa alynypty. Jospar boıynsha byltyr «Qasym» baspa úıinen 50 kitap jarııalaný kerek-ti. Alaıda shartarapty sharlaǵan koronavırýs pandemııasyna baılanysty 22 kitap basylyp shyqqan. Árqaısysy 1000-2000 danamen jarııalanyp, keı oqylymdy kitaptar 2-3 ret qaıta basylypty.
Al jaryqqa shyǵatyn kitaptardyń tizimi jazýshy, kitaphanashylarmen aqyldasyp sheshiledi eken. Baspa qazaq ádebıetiniń eń jaqsy shyǵarmalary men álem ádebıetiniń qazaq tilindegi sátti aýdarmalarynan bólek tıisti qalamaqysyn tólep, arnaıy aýdarmalar da jasatady. Máselen, aýdarmashy Kenjebaı Ahmetov M.Býlgakovtyń «It júregi», L.Tolstoıdyń «О́mir týraly» (aldaǵy ýaqytta shyqpaq) shyǵarmalaryn aýdardy. Budan bólek Táken Álimqulovtyń 60-jyldary aýdarǵan «Kishkentaı hanzadasy» da (avtory Antýan de Sent-Ekzıýperı) bar. Sondaı-aq Berdibek Soqpaqbaevtyń eń sońǵy jazylǵan shyǵarmasy «Ergejeıli eline saıahat» alǵash kitap bolyp shyǵyp otyr.
Qazaq ádebıetiniń 50-jyldardan bastap 80-jyldarǵa deıingi kezeńinde álem ádebıetinen kóptegen aýdarma jasaldy. Biraq táýelsizdik jyldarynan beri ol shyǵarmalar kitap bolyp qaıta basylyp shyqqan joq. «Qasym kitaphanasy» serııasynyń kózdegen negizgi maqsattarynyń biri de osy. Jáne qazaq hám álem ádebıetiniń jaqsy aýdarmalary men shyǵarmalaryn bir serııaǵa jınaý.
Aıta keteıik, bul jobamen basylyp shyqqan kitaptar otandyq kitap dúkenderinde jáne «Akel.kz» ınternet kitap dúkeninde de satylady.
