Nur-Sultan qalasy ákiminiń orynbasary Baqtııar Mákenniń tóraǵalyǵymen "Astana-Adaldyq alańy" jobalyq keńsesi jumysynyń ótken jylǵy qorytyndysy boıynsha keńes ótti.
Ákim orynbasarynyń aıtýynsha, bilim berý salasyn ońtaılandyrý – mektep dırektorlaryn rotasııalaý, mekteptegi tamaqtaný isinde memlekettik satyp alýdy avtomattandyrý, turmystyq sybaılas jemqorlyqtyń jolyn kesý boıynsha jasyryn onlaın-saýalnamalar júrgizildi. Sondaı-aq densaýlyq saqtaý salasyn ońtaılandyrý, ıaǵnı densaýlyq pasporttaryn 100% sıfrlandyrý (1 mln-nan astam medısınalyq qujat sıfrlandyryldy), elektrondyq kezek DAMUMED, medısınalyq anyqtamalardy berýdiń zańdylyǵyn tekserý úshin aqparattyq servıs ázirlendi.
Sonymen qatar, "ashyq bıýdjetterdiń ınteraktıvti kartasy" jobasy júzege asyryldy. 2020 jyldyń qorytyndysy boıynsha elorda 100% qamtamasyz etildi.
Bıylǵy "Astana — Adaldyq alańy" bastamasy boıynsha Qorǵanys departamentiniń aýmaǵynda front-ofıs, sondaı-aq dári-dármekterdi eń tómengi baǵamen satatyn 2 áleýmettik dárihana (Ázirbaev kóshesi, 4/1 jáne Syǵanaq kóshesi, 9) ashyldy.
Elordanyń servıstik ákimdikteriniń mamandary 46 myń keńes berdi. 2020 jyly qala ákimdigi men Sybaılas jemqorlyqqa qarsy is-qımyl agenttiginiń departamenti arasynda birlesken yntymaqtastyq týraly memorandým jasaldy. Sondaı-aq, departamentpen "Astana-Adaldyq alańy" birlesken jobasy júrgizilýde. Onda negizgi mindet turmystyq sybaılas jemqorlyqty joıý bolyp sanalady.
"2020 jyldyń ózinde servıstik ákimdikter kórsetken qyzmetter sany 126 myńdy qurady, onyń ishinde 46 myńy – mamandardyń konsýltasııasy. 160 memlekettik qyzmet avtomattandyryldy. Buryn qaǵaz túrinde kórsetiletin 27 qyzmet elektrondyq formatqa kóshirildi", - dedi B.Máken.
Ákim orynbasary elordada jergilikti atqarýshy organdar kórsetetin memlekettik qyzmetterdiń 100% elektrondy formatqa kóshirilgenin atap ótti.
Sonymen qatar, qyzmet kórsetýdiń servıstik modeliniń tujyrymdamasy engizildi:
- jumyspen qamtý ortalyǵy;
- "Astana-adaldyq alańy" jobasy aıasynda "IQALA" qalalyq qyzmetter ortalyǵy ashyldy. Onda 154 qyzmet sıfrlandyrylǵan (75 myńnan astam qyzmet kórsetilgen);
- "Januıa" otbasy ınstıtýtyn qoldaý ortalyǵy»;
- turǵyn úı ortalyǵy. Ortalyq qyzmetkerleri kún saıyn 300-den astam azamatqa keńes beredi.
Sóz sońynda ákim orynbasary memlekettik sybaılas jemqorlyqqa qarsy saıasatty odan ári jetildirý jolynda tabysty jumys tiledi.
