Bul jóninde qala ákimi Murat Áıtenov Ál-Farabı aýdany ákimi Ǵ.Máýlenqulovtyń halyq aldynda bergen jyldyq esebinde baıandady. Eseptik jıyn karantındik shekteýlerge baılanysty onlaın formatta uıymdastyryldy.
Aýdan ákimi áleýmettik-ekonomıkalyq damý kórsetkishteri men atqarylǵan jumystar týraly aıtyp ótti. Jyl qorytyndysyn tyńdaǵan turǵyndar suraqtaryn «Feısbýk», «Instagramm» jelisi arqyly joldady. Kelip túsken saýaldardyń deni gaz, sý, jol máseleleri men abattandyrý jumysy tóńireginde.
Turǵyndardan kelgen suraqqa qala ákimi de birlese jaýap qatyp otyrdy. Jıyn sońynda Murat Dúısenbekuly ótken jyly aýdandy aralap, negizgi máselesimen tolyq tanysqanyn jetkizdi.
– Qaladaǵy ózekti máselelerdi júıeli túrde sheshý úshin aýdandardyń 5 jyldyq damý josparyn ázirledik. Ál-Farabı aýdanyna 2021 jyly 22,3 mlrd qarjy qaralyp otyr. Bul qarjy ótken jylmen salystyrǵanda eki esege artqan. Biz qaladaǵy sharýashylyq salasyna reforma jasadyq. Aǵymdaǵy jyldan bastap ortalyq kóshelerdi abattandyrý jumysy aýdan ákimdikterine bekitildi. Endi energetıka jáne kommýnaldy sharýashylyq basqarmasy qalanyń tek ınfraqurylymyna jaýapty, – dedi qala ákimi.
Osy oraıda, aýdannyń kógaldandyrý jumysyna 982,5 mln teńge bólinse, sanıtarlyq tazalyǵyna 1,5 mlrd teńge qaralǵan. Infraqurylymdyq damýy negizinde Samal-1, Naýryz shaǵyn aýdandarynyń káriz júıesiniń qurylysyna 107 mln teńge, Badam shaǵyn aýdanyn gazben qamtýǵa 48,mln teńge bólinip otyr.
