Kezdesý barysynda vedomstvolyq joǵary oqý oryndardyń bazasynda kásibı daıarlyqty joǵary deńgeıde iske asyrýǵa múmkindik beretin materıaldyq-tehnıkalyq jáne kadrlyq resýrstary bar mamandardy daıarlaý men qaıta daıarlaý máseleleri qaraldy.
Qorǵanys mınıstrligi Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetinde (UQÝ) joǵary oqý ornynan keıingi bilim berý baǵdarlamalary boıynsha TJM áskerı qyzmetshileri úshin kvotalardy 2021 jylǵa irikteý josparyna engizýge daıyndyǵyn bildirdi. Ulttyq qorǵanys ýnıversıtetiniń bazasynda «azamattyq qorǵaý» kafedrasyn qurý máselesi talqylandy. Bul qyzmetke TJM mamandary tartylatyn bolady.
Qorǵanys mınıstrliginiń joǵary oqý oryndarynda radıasııalyq, hımııalyq jáne bıologııalyq qorǵanys, sondaı-aq baılanysty uıymdastyrý mamandyǵy boıynsha qutqarýshylardy daıarlaý jáne olardyń biliktiligin arttyrý josparda bar.
Tótenshe jaǵdaılar mınıstrligi óńirler boıynsha, onyń ishinde TJM Kókshetaý tehnıkalyq ınstıtýtynda Qarýly Kúshterdiń órtke qarsy qyzmetiniń áskerı qyzmetshilerin daıarlyq kýrstan ótkizýdi qamtamasyz etýdi josparlap otyr.
