Májiliste ǵaryshty ıgerý jáne damytý salasyndaǵy yntymaqtastyq boıynsha 18 ózekti másele qaraldy. Qazaqstan májiliske qatysýshylarǵa Jerdi qashyqtyqtan zondtaý ǵarysh júıesiniń, geoaqparattyq tehnologııalardyń jáne spýtnıktik navıgasııanyń derekterin qoldaný negizinde ekonomıka salalaryn sıfrlandyrý máselelerindegi óz tájirıbesin usyndy.
Sondaı-aq taraptar Qazaqstandaǵy qurastyrý-synaý kesheniniń bazasynda optıkalyq jáne telekommýnıkasııalyq spýtnıkter qurý, 3 ǵarysh apparatynan turatyn orta sheshimdi JQZ qazaqstandyq spýtnıktik toptamasyn qurý boıynsha ınvestısııalyq jobany iske asyrý máselesin talqylady.
Májilis sheńberinde TMD Atqarýshy komıtetiniń usynysy boıynsha Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın keńestiń 2021 jylǵa arnalǵan tóraǵasy bolyp saılandy.
Májilis qorytyndysy boıynsha Keńestiń 2021 jylǵa arnalǵan jumys jospary bekitildi. Taraptar otyrystyń kún tártibi ýaqtyly bolǵanyn jáne onyń barysynda qabyldanǵan sheshimder TMD-ǵa qatysýshy memleketterdiń ǵarysh qyzmeti salasyndaǵy ózara is-qımylynyń tıimdiligin keńeıtýge jáne arttyrýǵa yqpal etetinin atap ótti.
Keńes májilisi ǵarysh keńistigin beıbit maqsattarda zertteý jáne paıdalaný salasyndaǵy yntymaqtastyq týraly TMD konvensııasy jáne 2018 jyly qol qoıylǵan TMD-ǵa qatysýshy memleketterdiń ǵarysh keńistigin beıbit maqsattarda zertteý jáne paıdalaný salasyndaǵy birlesken qyzmetin júzege asyrý týraly Kelisim sheńberinde ótkiziledi.
Májiliske Qazaqstan Respýblıkasynan, Reseı Federasııasynan, Belarýs Respýblıkasynan, О́zbekstan Respýblıkasynan jáne Tájikstan Respýblıkasynan keńes músheleri, TMD Atqarýshy komıtetiniń, Reseı SIM jáne Reseı yntymaqtastyq ókilderi qatysty. Armenııa Respýblıkasy men Ázirbaıjan Respýblıkasynyń ókilderi keńes májilisinde baqylaýshylar retinde qatysty. Keńestiń onlaın májilisine Qazaqstannyń ǵarysh salasy kásiporyndarynyń basshylary da qatysty.
Keńestiń kezekti májilisin ótkizý Reseı Federasııasynda 2022 jyldyń birinshi jartyjyldyǵyna josparlanǵan.
