Elorda • 31 Qańtar, 2021

Elordada Ulttyq ulannyń 700-den asa sarbazy ant qabyldady

30 ret kórsetildi

2021 jylǵy 30-qańtarda Nur-Sultan qalasynda ornalasqan Ulttyq ulannyń 5573 áskerı bóliminiń 750-ge jýyq jaýyngeri Áskerı ant qabyldady, dep habarlaıdy Egemen.kz

Elordalyq jedel quramnyń qataryn tolyqtyrǵan ulandar ótken jyldyń sońynda Otan aldyndaǵy boryshtaryn óteý úshin elimizdiń barlyq óńirinen jasaqtalǵan bolatyn.
Saqtyqta qorlyq joq. Sanıtarlyq-epıdemııalyq talaptar kúsheıip jatqanymen, tártip pen tynyshyqtyqty qamtamasyz etý – aldyńǵy qatardaǵy mindetterdiń biri ekeni sózsiz.

Al Áskerı ant qabyldaý rásimi – ásker ómiriniń buljytpaı oryndalatyn zańdylyǵy. Sondyqtan bul sharadan tegis bas tartý, álbette múmkin emes. Sondyqtan saptyq alańda sap túzegen sarbazdar úshin sanıtarlyq talaptar saqtala otyryp, saltanatty sert berý rásimi ótkizildi. Ádettegideı rásimge jas jaýyngerlerdiń ata-analary men týystary qatysqan joq. Olar úshin arnaıy Ulttyq ulannyń áleýmettik jelilerindegi resmı paraqshalarynan tikeleı efır uıymdastyryldy. Bir emes, birneshe efır jasalyp, ár vzvod úshin bólek-bólek tikeleı kórsetilim ótkizildi. 

1

Sap túzegen sarbazdar symdaı tizilgen soń alańǵa Jaýyngerlik Tý engizilip, áskerı bólim komandırine jeke quramnyń Áskerı ant qabyldaýǵa daıyn ekendigi baıandaldy. Polkovnık Nurlan Muhamedov jaýyngerlerge jigerli sózin arnady.

– Áskerı ant qabyldaý saltanaty – árbir áskerı bólim úshin erekshe oqıǵa bolyp esepteledi. О́ıtkeni dál osy kúnnen bastap jeke quram qataryn tolyqtyrǵan jas sarbazdar resmı túrde Otan qorǵaýshy atanady. Áskerı ant – el azamattarynyń konstıtýsııalyq quqyǵy ǵana emes, óz eli men jerin qorǵaýǵa qabilettiligin bildiretin mańyzdy rásim. Jaýyngerlerimiz ant qabyldaı otyryp, táýelsiz memleketimizdiń qorǵany bolýǵa sert beredi. Endeshe osy sertke adal bolyp, ózderińizge júkteletin jaýyngerlik mindetti abyroımen atqarýlaryńyzǵa tilektespin! – dedi quttyqtaý sózinde qurama komandıri.

Budan soń qaz-qatar tizilgen 700-den asa sarbaz saptyq alańda saltanatty marshpen júrip ótti.

Aıta keteıik, ant qabyldaǵan jas jaýyngerler eki aptadan keıin ishki ister organdarynyń qyzmetkerlerimen birlesip, qala tynyshtyǵyn saqtaýǵa, bas shahardyń qoǵamdyq tártibi men qaýipsizdigin qamtamasyz etýge, turǵyndar men azamattardyń quqyqtaryn qorǵaýǵa jumyldyrylady.

Osylaısha, quqyqtyq tártip áskeriniń jaýyngerlik jolyn jalǵastyratyn bolady.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar