Memleket basshysy Qasym-Jomart Toqaevtyń tapsyrmasy boıynsha Qazaqstanda 1 aqpanda halyqty erikti vaksınasııalaý naýqany bastalady.
Preparattyń alǵashqy partııasy Almaty qalasy Qoǵamdyq densaýlyq basqarmasynyń qoımasyna jiberildi.
Jaýaptylardyń aıtýynsha, 1 aqpan kúni tańerteń vaksına qalanyń segiz aýdanyndaǵy aýrýhanalarǵa bólinedi. Salqyndatylǵan júk kóligindegi preparat, hattamada kórsetilgen tasymaldaý sharalaryn saqtaı otyryp -18 S temperatýraǵa tózetin muz paketteri bar konteınerlerde, №7 Qalalyq klınıkalyq aýrýhananyń qoımasyna jetkizildi. Vaksınalar vaksınasııa aıasynda belgilengen medısınalyq uıymdar arasynda bólindi.
"Almatyda vaksınasııa pýnktteriniń daıyndyǵy tekserildi, profılaktıkalyq egýlerdiń standartty jumys tártibi bekitildi. Barlyǵy anyqtalǵan 40 BMSK. Immýndaý kýrsynan Almaty QDB 144 medısınalyq mamany ótýde. Immýndaý júrgiziletin árbir emhanada salqyndatý jabdyqtary bar jeke vaksınalyq kabınetter bar. Olarda kelesi mamandar jumys jasaıtyn bolady — dáriger, meıirbıke-vaksınator jáne meıirbıke-tirkeýshi. Sonymen qatar, jeke bólme qarastyrylǵan, onda vaksına alǵandar 30 mınýt dárigerlerdiń baqylaýynda bolady.
Birinshi kezeńde, aqpan aıynda ınfeksııalyq aýrýhanalardyń, jedel járdemniń, sanıtarlyq epıdemıologııalyq qyzmettiń, jan saqtaý bóliminiń qyzmetkerleri vaksınalanady", dep málimdedi Qoǵamdyq Densaýlyq basqarmasynyń baspasóz qyzmeti.
