IKAO standarttaryna sáıkes ushý qaýipsizdigi deńgeıi boıynsha Qazaqstan TMD elderi arasynda 74% kórsetkishpen II oryn alady, áýejaılardyń qaýipsizdik deńgeıi 83% quraıdy. 2009 jylǵy aýdıtpen salystyrǵanda progress 21% — dy qurady - bul avıasııalyq qaýipsizdiktiń ortasha álemdik kórsetkishinen 11%-ǵa joǵary (72%).
Avıasııalyq qaýipsizdikti qamtamasyz etýdi uıymdastyrýda eleýli ilgerileý men qol jetkizilgen progresti eskere otyryp, Qazaqstan Halyqaralyq azamattyq avıasııa uıymy keńesiniń (IKAO) joǵary nagradasymen atap ótildi. Aıta ketý kerek, mundaı taný úshin QR IIDM Azamattyq avıasııa komıteti sońǵy jyldary avıasııalyq qaýipsizdikti damytý salasynda aýqymdy jumystar atqardy.
Bul zańnamany jaqsartý jáne avıasııalyq qaýipsizdik salasynda IKAO standarttary men usynylatyn praktıkasyn ýaqtyly engizý. Úkimettiń qaýlysymen avıasııalyq qaýipsizdik salasyndaǵy IKAO-nyń barlyq sońǵy standarttary engizilgen "Avıasııalyq qaýipsizdiktiń ulttyq baǵdarlamasy" ázirlenip, bekitildi. 2018-2019 jyldar aralyǵynda QR Úkimetiniń 3 qaýlysy men avıasııalyq qaýipsizdik jónindegi mınıstrdiń 8 buıryǵyna ózgerister engizilip, qaıta qaraldy.
Azamattyq avıasııany zańsyz aralasý aktilerinen qorǵaýdy qamtamasyz etetin avıasııalyq qaýipsizdik qyzmeti barlyq bólimshelerdiń eń kóp sany bar qyzmeti bolyp tabylatyn, sany 2 500-den astam mamannan turatyn uıymshyl qurylymdy bildiredi.
Keńeste ótken jylǵy avıasııalyq qaýipsizdik jelisi boıynsha qorytyndylar shyǵarylady, áýejaılar men áýe kompanııalardyń baıandamalary tyńdalady, Qazaqstannyń avıasııalyq ákimshiliginiń avıasııalyq qaýipsizdik departamentiniń 2021 jylǵa arnalǵan jumys josparlary aıtylady.
Qyzmet nátıjeleri boıynsha Qazaqstan Respýblıkasynyń azamattyq avıasııa salasyndaǵy avıasııalyq qaýipsizdik qyzmetteriniń erekshe kózge túsken qyzmetkerlerin mynadaı nomınasııalar men kótermeleýler boıynsha marapattaý ótedi:
- "Avıasııalyq qaýipsizdik qyzmetiniń qurmetti qyzmetkeri";
- "Avıasııalyq qaýipsizdik qyzmetiniń ardageri";
- "Jumystaǵy kásibıligi men joǵary nátıjeleri úshin";
- Qazaqstannyń avıasııalyq ákimshiligi basshylyǵynyń "Alǵys haty".
Mundaı is-shara alǵash ret ótkizilip otyr jáne jyl saıyn ótkiziletin bolady.
Tarıhı anyqtama:
1991 jylǵy 1 aqpanda Almaty qalasynyń áýejaıynda Qazaq KSR Almaty avıasııalyq jasaǵy komandıriniń buıryǵymen elimizde alǵash ret avıasııalyq qaýipsizdik qyzmeti (AQQ) quryldy. Birinshi avıasııalyq qaýipsizdik qyzmetiniń qurylǵanyna 30 jyl tolýyna oraı jáne avıasııalyq qaýipsizdik jónindegi respýblıkalyq keńeske qatysýshylardyń 2019 jylǵy 24 jeltoqsandaǵy sheshimine sáıkes, AQQ qyzmetiniń mańyzdylyǵyn kótermeleý jáne taný maqsatynda "Qazaqstannyń avıasııalyq ákimshiligi" AQ-nyń buıryǵymen árbir kúntizbelik jyldyń 1 aqpany avıasııalyq qaýipsizdik qyzmetiniń ardagerleri men qyzmetkerlerin marapattaý kúni bolyp bekitildi.
