Vıse-mınıstrlerge reseılik Sputnik V vaksınasy egilgen bolatyn.
Erlan Qııasov №6 qalalyq emhanada tilshilerge bergen suhbatynda: «Eshqandaı qolaısyzdyq sezip turǵan joqpyn. Eń aldymen vaksına alatyn adamdy dáriger tekseredi, anamnez alynady. Dene qyzýy, qan qysymy, jutqynshaq tekseriledi. Sodan keıin dáriger ol adamǵa vaksına salýǵa ruqsat beredi. Pasıent erikti túrde vaksına alatyny týraly aqparattyq kelisimge qol qoıady. Eger ol barlyq prosedýralarmen kelisse, 21 kúnnen keıin vaksınanyń ekinshi kezeńine de kelýi kerek», dep aıtyp ótti.
Bas sanıtardyń aıtýynsha, vaksınanyń barlyq kezeńinde jaýapkershilik emdeý mekemelerine júkteledi.
«Barlyq jaýapkershilik ortaq bolady. Árıne, densaýlyq saqtaý mınıstrligi ár jaǵdaıdy derbes qarastyrady. Árbir óńirlik densaýlyq saqtaý basqarmasynyń janynan aıryqsha reaksııa sekildi jaǵdaılardy tergeıtin arnaıy komıssııalar qurylady», dep túsindirdi Bas sanıtar.
Eske sala keteıik, búgin Qazaqstanda koronavırýs ınfeksııasyn juqtyrý jáne taratý táýekeli joǵary sanattardy koronavırýsqa qarsy vaksınalaý bastaldy. Qazaqstanda vaksına erikti túrde salynady.
