2025 jylǵa deıin magıstraldy arnalardyń barlyǵy, ıaǵnı 119 arna sıfrlandyrylatyn bolady. Qoldanystaǵy júıeni sıfrlandyrý aqparat berýdiń uqsas nysanynan sıfrlyq nysanǵa kóshýdi qamtamasyz etýge, sý tutyný men sý taratý kólemderin jáne gıdrotehnıkalyq qurylystardyń jaı-kúıin avtomattandyrylǵan esepke alýdy engizýge múmkindik beredi. «Qazsýshar» RMK Bas dırektory Arman Qasenovtyń aıtýynsha, bul shara adam faktorynyń áserin barynsha azaıtady.
«Qazsýshar» RMK balansynda respýblıkalyq menshiktegi 4953 sý sharýashylyǵy jáne gıdromelıoratıvtik obektiler bar. Sý deńgeıi men shyǵynyn ólsheý úshin qoldanylatyn ádisteri men qurylǵylar ólsheý qatelikterin joqqa shyǵarmaıdy, jetkilikti dáldik pen tıimdilikti qamtamasyz etpeıdi, jáne qol eńbegin qajet etedi. Bul uzaq ýaqytty alady. Sıfrlandyrý adam faktoryn boldyrmaıdy jáne derekterdi óńdeýdiń jedeldigin qamtamasyz etedi», dep atap ótti kásiporyn basshysy.
Osylaısha, gıdrotehnıkalyq qurylystardy sıfrlandyrýdyń arqasynda ıkemdi súzgileý jáne paıdalaný esepteri bar sýdy tutynýdyń tolyq aıqyn kóriniske qol jetkiziletin bolady.
Strategııa sheńberinde 2025 jylǵa qaraı kásiporynda ınnovasııalyq sheshimderdi 100% engizýdi qamtamasyz etý josparlanyp otyr. Sý sharýashylyǵyn qazirgi zamanǵy jabdyqtarmen qamtamasyz etý, sýdy únemdeýdiń jańa joǵary tehnologııalyq ádisterin engizý kózdeledi.
«Mysaly, 2023 jyly pılottyq óńirlerde: Túrkistan jáne Almaty oblystarynda jer asty sýarý júıelerin qurý úshin sýdy únemdeýdiń tehnıkalyq-ekonomıkalyq negizdemesin múmkin bolady. Sondaı-aq sýdy únemdeý jáne ony qaıta paıdalaný múmkindigi boıynsha aýyl sharýashylyǵynyń qajettilikteri úshin qaıta óńdeýge bolatyn qalalardan shyqqan sarqyndy sýlardy paıdalaný múmkindigi qarastyrylady. Qalpyna keltirilgen sýdy sýarý úshin paıdalanýǵa bolady», dep tolyqtyrdy Arman Qasenov.
Arman Qasenov elimizdiń sý resýrstaryn tıimdi paıdalanýdyń negizgi mindetteriniń biri olardy utymdy paıdalaný bolyp tabylatynyn, munda tasymaldaý kezinde sý shyǵynyn azaıtý ındıkatory negizgi kórsetkish retinde qabyldanǵanyn atap ótti. Ol úshin aýystyrýdy qajet etetin sý qubyry jelileri uzyndyǵynyń boljamdy kórsetkishterin esepteý jáne tasymaldaý kezinde sý shyǵynynyń esebi júrgizildi.
«Halyqtyń jáne ekonomıka salalarynyń qajettilikteri úshin sý tartýdyń jalpy kólemi 25 tekshe kılometrdi quraıdy. Onyń ishinde aýyl sharýashylyǵyna - 65%, ónerkásipke – 30%, kommýnaldyq sharýashylyqqa-1% keledi. Fermerlerdi sýdyń jetkilikti deńgeıimen qamtamasyz etý úshin sý únemdeý tehnologııalaryn engizý qajet. Biz osy baǵytta jumys istep jatyrmyz», dedi Qazsýshar basshysy.
Arman Qasenov sýdy sýarý úshin paıdalaný tarıfi qaıta qaralatynyn erekshe atap ótti. «Qazir tarıfter tómen, sondyqtan fermerler sýdy utymdy paıdalanbaıdy», dep sózin jalǵastyrdy.
Strategııa sheńberinde «Qazsýshar» RMK-nyń zańdy nysanyn «QazaqSu» aksıonerlik qoǵamy etip ózgertý kózdelip otyr. Kásiporyn basshysynyń aıtýynsha, bul shara uıymnyń ınvestısııalyq tartymdylyǵyn arttyrady.
«Alǵa qoıylǵan mindetterdi iske asyrý aýqymdy qarjylandyrýdy talap etedi. Birqatar zańnamalyq shekteýlerge baılanysty bizdiń júıemizdi damytýǵa ınvestorlar tartýǵa múmkindigimiz bolmady. RMK-ny AQ-ǵa qaıta qurý ınvestorlarmen ózara is-qımyldy jolǵa qoıýǵa múmkindik beredi, bul biz belgilegen baǵyttardy tıimdi iske asyrýǵa yqpal etedi», - dep atap ótti ol.
Arman Qasenovtyń pikirinshe, sý sharýashylyǵy qurylystaryn jańartý men qaıta qurýdyń negizgi quraly jańa sý qoımalaryn salý, syrtqy ınvestısııalardy tartý jáne memlekettik jeke menshik áriptestik jobalaryn uıymdastyrý bolyp tabylady. Sonymen qatar, búgingi kúni sýarmaly jáne aýyz sýmen jabdyqtaý qyzmetterine tutynýshylar suranysy joǵary ekeni baıqalady. Kásiporyn tabıǵı monopolııalar sýbektisi bola otyryp, óz qyzmetterine tarıfterdi derbes retteı almaıdy, bul da damýdyń tejeýshi faktory bolyp tabylady
Búgingi tańda qaıta qurý máselesin QR Úkimeti qoldady.
Strategııa sheńberinde qabyldanǵan keshendi sharalardyń nátıjesinde Qazsýshar aǵymdaǵy sátte operasııalyq shyǵyndardy 2,7 mlrd. teńgege qysqartty. Budan basqa, ákimshilik shyǵystar 20% - ǵa ońtaılandyryldy, bul tek ortalyq apparatta qarajatty 130 mln.teńgege únemdeýge qol jetkizýge múmkindik berdi.
Osylaısha, basqarýshy personaldy ustaý men eńbekaqyny tóleýge shyǵyndar 90 mln.teńgege, keńse jalǵa alý - 20 mln. teńgege, kólikti ustaýǵa, qyzmet kórsetýge jáne jóndeýge, sondaı-aq aqparattyq qyzmetter-15 mln. teńgege, issapar shyǵystary-5 mln. teńgege qysqartyldy.
Sonymen qatar, qujat aınalymy 100% Documentolog elektrondy formatyna aýystyryldy. Kásiporynnyń barlyq avto jáne arnaıy tehnıkasynda kúrdeli salymdarsyz GPS-monıtorıng júıesi ornatylǵan.
