О́z kezeginde atalǵan məseleler sanatorııa men kýrorttaǵy demalysqa, medısınalyq týrızmge degen suranysty arttyryp, damytýǵa múmkindik beredi. Elimiz óziniń biregeı tabıǵı resýrstaryn paıdalaný arqyly koronavırýstan keıin ońaltý boıynsha sanatorııa men kýrorttaǵy demalysty uıymdastyrý jaǵynan TMD-da kóshbasshysy atana alady. Qolaıly klımattyq jaǵdaı, mıneraldy sý jəne shıpaly balshyqpen emdeý orny bar elimizdiń barlyq óńiri emdeý-saýyqtyrý salasynyń damýyna yqpal etedi.
Bul salaǵa degen suranystyń artýyna baılanysty Qazaqstan Respýblıkasynyń ulttyq kýrort qaýymdastyǵy sanatorııa men kýrort obektilerin zertteı kele, COVID-19-ǵa shaldyqqan adamdardy ońaltý baǵdarlamasy bar 10 úzdik sanatorııdi anyqtady.
Máselen, «Saryaǵash» kýrort aımaǵyndaǵy sanatorıılerdiń ishinde koronavırýstan keıin ońaltý baǵdarlamasyn usynatyn eń úzdigi – «Altynaı» men «Qazaqstan KZ». Sonymen qatar bul tizimge Túrkistan oblysyndaǵy «Mankent» shıpajaıy, Jambyl oblysyndaǵy Merke Radon sanatorııi, Jambyl oblysy ákimdiginiń densaýlyq saqtaý ShJQ «Aısha-bıbi» MKK sanatorııiniń ońaltý ortalyǵy kiredi.
Ulttyq kýrort qaýymdastyǵynyń tizimindegi sanatorııalar men kýrorttar mynalar:
Almatyda – «Qazaqstan» sanatorııi jáne Altyn Kargaly qonaq úı-sanatorııi;
Almatydan úsh shaqyrym jerde, Ile Alataýynyń etegindegi – Almaty Resort sanatorııi;
Aqmola oblysynda – «Oqjetpes» emdeý saýyqtyrý kesheni;
Batys Qazaqstan oblysynda – Nurbergen Health Resort sanatorııi jáne Aqtóbe oblysynda – «Shıpager» sanatorıı – profılaktorıi.
Aıta keteıik, Kazakh Tourism ulttyq kompanııasy Qazaqstan Respýblıkasynyń ulttyq kýrort qaýymdastyǵymen birlesip, kýrorttyq aımaqtardyń ınfraqurylymyn jáne materıaldyq-tehnıkalyq jaraqtandyrylýyn eskere otyryp, sanatorııalar men kýrort obektilerine zertteý júrgizdi. 173 sanatorıı men kýrortty qamtyǵan ınspeksııa qorytyndysy boıynsha jańartylǵan tizim, sanatorııler katalogy əzirlendi.
www.kazakhstan.travel portalyna jumys istep turǵan sanatorııler jaıly ózekti aqparat ornalastyryldy. Sondaı-aq arnaıy beınerolık jaryq kórdi.
