Búgingi tańda 17 egý tireginde osy jumys bastalyp ketti, al jalpy ekpege jatatyn adamdar sany oblysta 115 myń.
Al sáýir aıynan bastap otandyq QazCovid-in vaksınasy egile bastaıtyn bolady. Buǵan deıin aıtylǵanyndaı vaksına aldymen medısına men polısııa qyzmetkerlerine, áskerı qyzmetshilerge egile bastaıdy. Alaıda adamnyń vaksınaǵa tózimdiligi synaq arqyly aldymen tekseriledi, sonymen qatar dárigerdiń baqylaýynan ótedi.
Medısınalyq bıkelerdiń bári burynnan ekpe jumystaryn júrgizip kele jatsa da bul joly olardyń 2 myńdaı medbıkege qosymsha nusqaýlyqtar berip, arnaıy qysqa daıyndyqtan ótkizilgen.
Barlyq elderdiń mamandary dáleldegenindeı jaman indettiń jaıylýyn tek vaksınasııalaý arqyly toqtatýǵa bolady. Tek onyń sapasy jaqsy bolsyn deńiz.
Vaksınasııa ınfeksııadan tıimdi qorǵaý jáne jappaı ımmýndaý nátıjesinde halyqtyń ınfeksııa men aýrýshańdyq qaýpin azaıtatyn naqty ımmýndyq jaýapty yntalandyrady.
Densaýlyq saqtaý mınıstrliginiń málimetinshe, sońǵy 20 jylda vaksınasııalaýdyń arqasynda mynansha aýrýlar azaıǵan:
- qyzamyq - 56 eseden astam;
- epıdemııalyq parotıt - 119 eseden astam;
- halyq arasynda vırýsty «V» gepatıti 34,7 ese, al osy ınfeksııaǵa qarsy vaksınasııalanǵan balalar arasynda 262 retke aýrý azaıdy (VGV-ǵa qarsy vaksınasııa 1998 jyldan bastap engizilgen).
Oblystyń Bas memlekettik sanıtarlyq dárigeri Áset Jumataevtyń aıtýyna qaraǵanda qazir oblysqa «Spýtnık V» vaksınasynyń 1200 dozasy kelip túsken.
Joǵaryda aıtqanymyzdaı birinshi kezeńde ınfeksııalyq aýrýhanalardyń, qabyldaý bólmeleriniń, jan saqtaý jáne qarqyndy terapııa bólimsheleriniń, emhanalar «súzgileriniń» medısınalyq qyzmetkerleri, sanıtarııalyq-epıdemıologııalyq qyzmettiń qyzmetkerleri egiledi.
Alǵashqylardyń biri bolyp vaksınany Soltústik Qazaqstan oblystyq Densaýlyq saqtaý basqarmasynyń bastyǵynyń orynbasary Nurlan Aımanov saldyrdy.
«Kádimgi ekpe sııaqty, eshqandaı aýyrtqany da sezilmedi. Masanyń shaqqanyndaı ǵana áseri boldy. Bárimiz de aman bolaıyq», dedi ol ekpe saldyryp shyqqan soń.
