«Prezıdent janyndaǵy reformalar jónindegi Joǵary Keńestiń sheshimine sáıkes, ulttyq sanaq bıyl júrgiziledi. 2021 jylǵy ulttyq halyq sanaǵynyń jańalyǵy – zamanaýı sıfrlyq tehnologııalardy engizý jáne prosesti avtomattandyrý», dedi Kelimbetov Úkimet otyrysynda.
Endi turǵyndar týraly derekterdi jınaý 2 jolmen júrgiziledi.
«Birinshi ádis – sanaq.gov.kz saıtynda ınternet saýalnama júrgizý. Ol vırtýal kómekshi arqyly, qaı jerde otyrǵanyna qaramastan, ózi jáne otbasy jaıly sanaq paraǵyn toltyrýǵa múmkindik beredi.
Ekinshisi – qajetti sanıtarlyq normalardy saqtaı otyryp, dástúrli aralaý. Bul onlaın rejımde sanaqtan ótpegen respondentter arasynda júrgiziledi.
Taǵy bir jańalyq – úı-úıdi aralaǵannan keıin málimetter planshetke júkteledi jáne jergilikti mektepterge beriledi. Mundaı sanaq 1-30 qazan aralyǵynda júrgiziledi», dedi ol.
