Osy tapsyrmany oryndaý aıasynda QR ekologııa, geologııa jáne tabıǵı resýrstar mınıstrligi Qazaqstan Respýblıkasynyń jańa ekologııalyq kodeksiniń jobasyn ázirledi.
Osy kodeksti talqylaý jáne jarııalaý maqsatynda Aqtaý qalasyndaǵy Yessenov University-de QR ekologııa, geologııa jáne tabıǵı resýrstar mınıstri Maǵzum Maratuly Myrzaǵalıevtiń tóraǵalyǵymen otyrys ótti.
Otyrysqa Mańǵystaý oblysynyń ákimi S.Trumov, Yessenov University prezıdenti B.Ahmetov, jer qoınaýyn paıdalanýshy iri kompanııalardyń basshylary, ekologııa salasyndaǵy sarapshylar jáne qoǵam belsendiler qatysty. Bıyl qabyldanǵan jańa ekologııalyq kodeks, negizgi jáne qajetti qujattardyń biri bolyp tabylady, onyń ishinde ónerkásibi damyǵan Mańǵystaý oblysy úshin mańyzdylyǵy joǵary. Sondyqtan, onda kórsetilgen talaptardy iske asyrý tabıǵat paıdalanýshylar men jalpy jurtshylyq úshin negizgi vektor bolyp tabylady.
Qorshaǵan ortaǵa áserdi baǵalaý jáne kásiporyndardyń eń ozyq qoljetimdi tehnologııalardy engizýin yntalandyrýdy arttyrý jónindegi jańa tásilder, memlekettik baqylaýdyń jańa tetikteri jáne "Lastaýshy tóleıdi" tujyrymdamasyn iske asyrý qaǵıdattary talqylandy.
Sondaı-aq ákimshilik aıyppul mólsherin ulǵaıtý, joıý qorlaryn qurý jáne qorshaǵan ortany qalpyna keltirý máseleleri qarastyryldy.
Jer qoınaýyn paıdalanýshylar Tarıhı qaldyqtardy qaıta óńdeý boıynsha júrgizilgen jumystar boıynsha esepterdi tanystyrdy. 2020 jylǵa jer qoınaýyn paıdalanýshylar 700 myń tonnadan astam tarıhı qaldyqtardy óńdedi.
"Eko Mańǵystaý" ÚEU basshysy K. V. Osın jer qoınaýyn paıdalanýshylarmen BAQ-pen tyǵyz jumys isteýdi jáne osyndaı oń nátıjelerdi qalyń jurtshylyqqa jarııalaýdy usyndy.
Yessenov University basshylyǵy oblystyń ekologııalyq problemalaryn sheshýde ýnıversıtettiń ǵylymı-zertteý áleýetin paıdalaný bóliginde memleket pen bızneske járdem kórsetýge daıyndyǵyn bildirdi.
О́z kezeginde mınıstr M.M. Myrzaǵalıev óńir basshylyǵyn jáne jer qoınaýyn paıdalanýshylardy Mańǵystaý óńiriniń turaqty damýy úshin básekege qabiletti mamandardy daıarlaý jáne ǵylymı zertteýlerdi ilgeriletýde aımaqtaǵy Yessenov University-ge jan-jaqty qoldaý kórsetýge shaqyrdy.
Otyrystan keıin Maǵzum Maratuly ýnıversıtet ujymy jáne stýdentterimen kezdesti. Kezdesý erkin formatta ár saladaǵy suraq-jaýaptarmen tolyqty. Maǵzum myrza Yessenov University túlegi retinde óz ýnıversıtetiniń sońǵy 10 jylda úlken jetistikterge jetip, kórkeıip jatqanyna kózi jetip óz qýanyshyn bildirdi. Kezdesý sátin paıdalanyp, «Yessenov University Túlekter Qaýymdastyǵynyń» múshesi bolý týraly da kelisildi.
