«Qazir biz óz klıentterimizdiń eskertýlerin esepke ala otyryp, portalymyzdyń jumysyna tıisti ózgeristerdi engizip jatyrmyz. Birinshi kezekte óte jıi túsetin ótinish - ótinimdi redaksııalaý múmkindigin berý. Iаǵnı, aldymen adam nesıeni tóleý týraly ótinish bildirip alyp, keıin jańa páterdi ıpotekaǵa satyp alǵysy keletin jaǵdaılar bar. Al qazirdiń ózinde arnaıy shotqa aqshasy aýdarylyp qoıdy delik. Meniń oıymsha, bir aptanyń ishinde ótinim berýshiler úshin ótinimdi redaksııalaý múmkindigi beriledi», dedi Lázzat Ibragımova.
Onyń aıtýynsha azamattar tipti bergen ótiniminiń kúshin joıa da alady.
«Kóbisi aqsha bar ekenine kóz jetkizip, operasııalardy jyl sońyna deıin júrgizý týraly sheshim qabyldap jatyr. Mundaı múmkindik te paıda bolady. Adamdar portaldy keńinen qoldana bastaǵan kezde týystarymen aqyldasa bastady. Zeınetaqy tólemderin biriktirý múmkindigi de paıda boldy. Sondyqtan jańa múmkindikter týraly aqparat beretin bizdiń banktiń qyzmetkerleri áleýmettik jelini qadaǵalap otyr», dedi Lázzat Ibragımova.
Eske salsaq, 2021 jyly 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy. Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi. 23 qańtardan Qazaqstanda zeınetaqynyń bir bóligin alýǵa ótinim qabyldaý bastaldy. Arnaıy portalda zeınetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.
