Jobanyń maqsaty – qazaqstandyq ozyq tájirıbeni men yńǵaıly onlaın-tehnologııalardy qoldana otyryp, aýyr jaǵdaıda týǵan nárestelerdi emdeýdiń ınnovasııalyq ádisterin engizý. Platforma jylyna birneshe myń medısına qyzmetkerinqosymsha kásiptik bilimmen qamtýǵa múmkindik beredi.
«Bizdiń qor 14 jyl boıy Qazaqstandaǵy sábıler men balalar ólimin azaıtý úshńn jumys istep keledi. Onyń ishinde otandyq dárigerlerdiń biliktiligin arttyrý da bar», dep atap ótti AYALA qaıyrymdylyq qorynyń prezıdenti Aıdan Súleımenova.
«Shevron» kompanııasynyń ókili Láılá Aıtmuhanova: «Jahandyq pandemııa medısına qyzmetkerleri úshin bilim men ózdiginen bilim alýdyń mańyzdylyǵyn kórsetti, sondaı-aq búkil álemdegi densaýlyq saqtaý júıesinde eleýli ózgeristerdi talap etti. Biz Qazaqstandaǵy áleýmettik baǵdarlamalarymyzdy alǵashqylardyń biri bolyp qaıta qurylymdap, pandemııa kezeńinde medısına kadrlaryn daıarlaý salasynda kóptegen baǵdarlamalardy júzege asyrǵanymyzdy maqtan tutamyz», deıdi.
Jyl saıyn AYALA qorynyń tegin kýrstarynan Qazaqstannyń perınataldyq ortalyqtary men perzenthanalarynyń 150-ge jýyq dárigeri ótedi. Jobany júzege asyrý barysynda 500-den astam medısına qyzmetkeri oqytyldy. Alaıda, eger QR-da jumys isteıtin pedıatrlar men neonatologtardyń jalpy statıstıkasyn alatyn bolsaq, bul 8 paıyzdan aspaıdy. Sondyqtan onlaın-akademııa oqýǵa qatysatyn medısına kadrlaryn qamtýdy arttyrý mindetin qoıyp otyr.
Jobanyń taǵy bir mindeti dárigerlerdi oqytýǵa barynsha qolaıly jaǵdaı týǵyzý. О́ıtkeni olardyń árqaısysy bilimin arttyrý úshin jeke ýaqyt pen baǵdarlamany tańdaı alady.
Platformada «О́kpeni jasandy jeldetý» jáne «Sýrfaktanttardy engizý» atty 2 beıne kýrs ornalastyrylǵan. Olardy Qazaqstan men Reseıdiń joǵary sanatty praktık-dárigerleri – Talǵat Jorabekuly Tolyqbaev pen Andreı Petrovıch Averın ázirledi.
Kýrstar bloktarǵa bólingen, bul materıaldy tez ıgerýge kómektesedi. Tirkeýden keıin dáris 2 aı boıy ashyq, qol jetimdi bolǵandyqtan, kýrstan tipti jumys ornynda ótýge bolady, ony kishigirim úzindilermen tyńdap, qajet bolǵan jaǵdaıda jazbaǵa qaıta oralady. Ár dáriske tanystyrý materıaldary usynylady. Aıaqtalǵannan keıin tyńdaýshylar tikeleı efırde nemese chatta naqtylaıtyn suraq qoıa otyryp, dáriskerden keri baılanys alý múmkindigine ıe bolady. Sondaı-aq árbir bloktan keıin jáne kýrstyń sońynda mindetti test tapsyrmasy túrinde meńgerilgen materıaldy baqylaý kózdelgen.
ALMATY
