Negizgi ózgeristerdiń biri - aýmaqtaǵy sýdyń kórsetkishterin qaıta qaraý bolyp otyr. Qazaqstan Respýblıkasynyń quzyryna qaraıtyn teńiz beldeýiniń eni, onyń túbi, qoınaýy jáne áýe keńistigi 12 teńiz mılinen 15 teńiz mıline deıin keńeıedi.
«Zań jobasyn qabyldaý memlekettik shekarany qorǵaý salasyndaǵy qoǵamdyq qatynastardy quqyqtyq retteýdegi olqylyqtardy joıýǵa, sondaı-aq qoldanystaǵy quqyqtyq tetikterdi, onyń ishinde shekara aımaǵynda belgilengen tártiptiń tıimdiligin qamtamasyz etýge múmkindik beredi», dedi komıtet tóraǵasy Muhtar Qul-Muhammed.
Balyq sharýashylyǵy da nazardan tys qalmaıdy. Zańda janýarlar álemin qorǵaýdy qamtamasyz etý úshin Kaspıı teńiziniń quqyqtyq mártebesi týraly konvensııada kórsetilgen zańsyz balyq aýlaýǵa qarsy kúres erejeleri de belgilengen.
Senattyń Halyqaralyq qatynastar, qorǵanys jáne qaýipsizdik komıteti zań jobasyn palataǵa usyndy.
