О́ńirde koronavırýsqa qarsy vaksınasııalaý 1 aqpannan bastaldy. Qazir Aqtóbe qalasyndaǵy № 2, 3, 4 emhanalarda, Otbasylyq medısınalyq ortalyqta, oblystyq keńes berý-dıagnostıkalyq mekemesinde, «Medıkýs ortalyǵynda» qaýip-qater tobyna kiretin mekemelerdiń eńbekkerleri ekpe aldy. Bul jumysqa 189 medısına qyzmetkeri tartylǵan. Vaksınasııalaý Aqtóbe qalasynan keıin birtindep aýdan ortalyqtarynda júrgiziledi.
Qazirgi ýaqytta Aqtóbe oblysy koronavırýs ınfeksııasynyń taralý aımaǵy boıynsha «jasyl dálizde» turǵanymen, jaǵdaıdyń áp-sátte ózgerip ketýi múmkin. Búgin óńirde úsh koronavırýs jaǵdaıy tirkelgen. Osy ýaqytqa deıin indetke shaldyqqan naýqastardyń 95,8%-y jazylyp shyqsa, tósek-oryn júktemesi 18,8%-dy quraıdy. Karantın ortalyqtary men zerthanalar da jumystaryn jalǵastyryp jatyr. Indettiń ekinshi tolqyny kúsheıer bolsa, eki aıǵa jetetin qor jasaqtalǵan.
Eger epıdemıologııalyq jaǵdaı ýshyǵar bolsa, arnaıy stasıonarlardaǵy tósek oryn sany 445-ten 3603-ke deıin óspekshi. Aldyn ala daıyndalǵan provızorlyq ortalyqtardyń 57,1%-y ottegimen qamtylǵan, 21 stasıonarlyq rentgen apparaty ornatyldy, 382 ókpeni jasandy jeldetetin apparat, 450 ottegi konsentraty, 626 ottegi ballony, 787 Bobrov apparaty men 424 ottegi jastyqtary jetkizildi. Sondaı-aq jeltoqsan aıynda jańadan 41 jedel járdem kólikteri, 6 mobıldi dıagnostıkalyq keshen satyp alynǵan bolatyn.
