«Jobany kezeń-kezeńmen iske asyrý kezinde Almaty men oblystaǵy 90 sıfrly radıotelevızııalyq stansa paıdalanýǵa berildi. Bul – 3,8 mıllıonnan astam turǵyny bar 736 eldi-mekendi sıfrlyq efırlik telehabar taratý júıesimen qamtýǵa múmkindik ashty», - dep jazdy B. Saǵyntaev.
Sıfrlyq standart otandyq telearnalardyń habar taratý úlesin ulǵaıtyp, eldiń aqparattyq resýrsyna teń quqyqty qoljetimdilikti qamtamasyz etedi. Buǵan deıin 4-5 telearnanyń ornyna qazaqstandyq 30-ǵa jýyq telearnany tańdaýǵa múmkindik bar. Bul rette qymbat spýtnıktik tabaqty ornatýdyń da, kabeldik operatorǵa aqy tóleýdiń de qajeti joq. Áleýmettik osal toptaǵy azamattar sıgnal qabyldaǵyshtar arqyly tegin qamtamasyz etiledi.
«Sıfrly» rejımge kóshýdiń resmı rásimi «Kóktóbe» telemunarasynda ótti. Ol respýblıkadaǵy eń bıik jáne tek Almaty aýmaǵyn ǵana emes, sonymen qatar jaqyn mańdaǵy 200 eldi mekendi sıfrlyq sıgnalmen qamtıdy. Bul Almaty oblysy turǵyndarynyń 40%-yn quraıdy.
ALMATY
