Qazaqstannyń avıasııalyq ákimshiligi áýe kompanııaǵa trenıngter ótkizýge, óndirýshiniń jańartylǵan prosedýralaryn ustanýǵa, sondaı-aq ushý, bıiktikke kóterilý kezeńderinde jáne eshelonda jyldamdyq quraldary durys kórsetilmegen jaǵdaıda ekıpajdardyń áreketterin trenajerlik daıarlaý baǵdarlamasyna qosýdy usyndy.
Qazirgi ýaqytta SCAT ınjenerlik-avıasııalyq qyzmeti jáne Qazaqstanǵa kelgen Boeing kompanııasynyń tehnıkalyq mamandary áýe kemesin qaıta iske qosýdyń jáne baǵdarlamalyq jasaqtamany modıfıkasııalaýdyń barlyq sharasyn aıaqtady.
SCAT ushqyshtary álemdegi sertıfıkattalǵan jattyǵý ortalyqtarynyń birinde trenajerlik daıyndyqtan ótti. Aldaǵy aptada kompanııa testilik ushýlardy oryndaýdy josparlap otyr. Qazirgi ýaqytta áýe kemesi áýe kemesin óndirýshiniń jáne AQSh pen Qazaqstannyń avıasııalyq bılik oryndarynyń talaptaryna sáıkes ony paıdalanýǵa qaıtarý boıynsha tehnıkalyq jumystardy oryndaýdyń qorytyndy kezeńinen ótip jatyr.
Áýe kemesiniń ushýǵa jaramdylyǵyn baǵalaý boıynsha sertıfıkattyq tekserýdi 2021 jylǵy aqpanda júrgizý josparlanyp otyr. "Qazaqstannyń avıasııalyq ákimshiligi" AQ áýe kemesiniń kommersııalyq ushýlardy qalpyna keltirýge daıyndyǵyn tekseredi.
Esterińizge sala keteıik, 2019 jyldyń naýryz aıynda Azamattyq avıasııa komıteti SCAT áýe kompanııasynyń Boeing 737 MAX ushaǵyn paıdalanýdy ýaqytsha toqtatty. Qazaqstandyq tizilimde osy úlgidegi bir áýe kemesi tirkelgen.
Boeing 737 MAX-tiń jumysyn barlyq el eki qaıǵyly avıasııalyq apattan keıin ýaqytsha toqtatty.
Boeing kompanııasy Boeing 737 MAX kommersııalyq paıdalanýǵa qaýipsiz oralý jáne qaıta sertıfıkattaý úshin AQSh Federaldyq avıasııa basqarmasynyń (FAA) jáne basqa da retteýshi organdardyń barlyq talaptaryn oryndady.
Júrgizilgen jumys barysynda 4400 saǵattan astam testileý ótkizildi, onyń ishinde 1350 ushýlar oryndaldy. Retteýshiler júrgizgen ushaqtyń ushý synaqtary jańartylǵan baǵdarlamalyq jasaqtamanyń qaýipsizdigi men tıimdiligin kórsetti.
2021 jyldyń 27 qańtarynda 737 MAX Ushý qaýipsizdigi jónindegi eýropalyq avıasııalyq agenttigi agenttigi (EASA) jáne Ulybrıtanııanyń Azamattyq avıasııa basqarmasy (UK CAA) maquldady, bul Eýropada ushýdy qaıta bastaýǵa jol ashty. Buǵan deıin Boeing 737 MAX AQSh Federaldy avıasııa dıreksııasynan, Brazılııa Ulttyq azamattyq avıasııa agenttiginen jáne Kanada kólik departamentinen sertıfıkat alǵan bolatyn.
Paıdalanýdy baǵalaý jónindegi birlesken keńestiń (JOEB) sheńberinde AQSh, Kanada, Eýropa jáne Brazılııadan kelgen avıasııalyq retteýshileri ushqyshtardy oqytýǵa qoıylatyn talaptardy, onyń ishinde trenajerlik daıarlyqty baǵalady. Jańartylǵan baǵdarlamalyq jasaqtama men ushqyshtardy oqytýdyń jańa júıesi retteýshilermen, olardyń qatań talaptary men standarttaryna sáıkes ázirledi jáne tekserdildi.
2020 jyldyń qarasha aıynda AQSh Federaldyq avıasııa basqarmasynyń (FAA) jumysyn qalpyna keltirýge ruqsat alǵan sátten bastap Boeing 44 737 MAX ushaǵyn jetkizdi. 2021 jylǵy 2 aqpandaǵy jaǵdaı boıynsha alty áýe kompanııa osy úlgidegi áýe kemelerinde kommersııalyq reısterdi oryndaıdy. Jalpy alǵanda, olar osy ushaqtarda 3400-den astam kommersııalyq reıster jasady. Áýe kemeleri kommersııalyq paıdalanýǵa qaıtyp kelgen saıyn reıster sany únemi artyp keledi
