Bıznes ókilderi, qaýymdastyqtar qosymsha sanıtarlyq sharalar, sıfrlyq monıtorıngti qoldanýǵa daıyndyqtaryn bildirdi. Osy baǵytta basqa elderdiń úlgisimen sanıtarlyq standarttardyń saqtalýyn sıfrlyq baqylaý úshin pılottyq joba retinde QR Sıfrlyq damý mınıstrligi jáne QR Densaýlyq saqtaý mınıstrliginiń tapsyrysy boıynsha ASHYQ otandyq IT-qosymshasy tańdaldy. Synaq jobanyń alǵashqy nátıjeleri týraly UKP Basqarma tóraǵasynyń orynbasary Narıman Ábilshaıyqov aıtty.
Búginde pılottyq jobada ASHYQ qosymshasyn Qazaqstannyń úsh qalasy Almaty men Nur-Sultan, Qaraǵandyda kásipkerliktiń 55 sýbektisi qoldanyp jatyr. Iske qosý ýaqyty ishinde nysandarǵa kelýshilerdiń 8 myń belgilenýi tirkelgen.
«Búgingi tańda QR-kodtardy qoldaný praktıkasy Ońtústik-Shyǵys Azııa elderi – Gonkong, Sıngapýr, Malaızııada keń taralǵan. Basqa elderde de balama qondyrǵylar bar. ASHYQ – otandyq óndirýshiniń ázirlemesi. Árıne, qosymsha bıznes, nysanǵa kelýshilerdiń eskertpeleri men usynystaryn nazarǵa alyp ázirlený ústinde. Sıfrlyq damý mınıstrligi, Densaýlyq saqtaý mınıstrligi, sanıtarlyq dárigerlerdiń qatysýymen Jobalyq keńse bazasynda usynystar qaralýda», – dedi Narıman Ábilshaıyqov.
ASHYQ – ózindik balama. Keleshekte qosymshany paıdalanyp otyrǵan kásipkerler shekteýlerdi azaıta alady. Iаǵnı óńirdiń epıdaehýal boıynsha bir aımaqtan ekinshi aımaqqa aýysýy osy kásipkerlerge bilinbeıdi. Bul degenimiz kompanııanyń tabysy, jumys oryndary, qyzmetkerlerdiń eńbekaqysy. Kóp kompanııa ótken jylǵydaı kelesi lokdaýn men karantındi ótkere almaıdy, dep aıtty spıker, 2021 jyldyń 1 qańtarynan bastap memlekettik qoldaý sharalary toqtady. Sanıtarlyq normalardy saqtaý kezinde ASHYQ QR-kodtaryn paıdalanǵan nysandarda indetti juqtyrý qateri az. Qosymshany qoldaný erikti júrgiziledi.
«Pılottyq jobaǵa erikti túrde ynta bildirgen bıznesmender qatysyp jatyr. Bul shara ne úshin iske asyrylyp jatyr? El óńirleri bir aımaqtan ekinshi aımaqqa aýytqyp jatyr, sáıkesinshe kásipker aldaǵy demalys kúnderi qalaı jumys isteıtini jaıynda naqty túsinik joq. Bıznesmen klıenti aldynda jaýapty, sáıkesinshe, orta merzimde túsinikti anyqtaý úshin biz bul qosymshany pılottyq rejımde qoldanyp kórgimiz keledi. Fıtnes, spa, basseınder pılottyq jobaǵa qatysady. Eger bul tájirıbe ózin-ózi dáleldeıtin bolsa, onda biz Densaýlyq saqtaý mınıstrligine, sanıtarlyq-epıdemıologııalyq baqylaýǵa óz qyzmetin qalpyna keltirmegen nemese shekteýlermen jumys isteıtin basqa salalarǵa osy tájirıbeni qoldaný týraly usynystar engizemiz», – dedi UKP Tóralqa tóraǵasynyń orynbasary.
Negizgi artyqshylyq – qaýipsizdik. qosymshasy QR-kod jáne PTR bazasymen ıntegrasııa arqyly qoǵamdyq orynǵa kelýshiniń kovıd-statýsyn anyqtaýǵa múmkindik beredi. Osylaısha bıznes sýbektisi – jobaǵa qatysýshy sanıtarlyq normalarmen qatar qosymsha baqylaýdy qamtamasyz etedi. Jumys istep jatqan bazarlar, saýda-oıyn-saýyq ortalyqtary, úı janyndaǵy dúkenderge QR-kodty engizý qajet etilmeıdi. Bul shara qyzmetin áli de jańarta almaǵan salalarǵa qajet. Aldaǵy bir-eki aptada pılottyq jobanyń aralyq qorytyndysy taldanyp, tıimdilik boıynsha sheshim qabyldanady.
Elde lokdaýn engizilip, odan shyqqannan keıin bıznes shekteýmen jumys istep jatyr. Kásipkerliktiń 13 myń sýbektisine áli de tyıym salynǵan. «Atameken» QR UKP málimetteri boıynsha saýalnamaǵa qatysqan 42 myń kásipkerdiń 9 paıyzy bıznesti jabý týraly sheshim qabyldaǵan, taǵy 11 paıyz shtatyn qysqartpaq.
