Oǵan Úkimet músheleri, Parlament Májilisiniń depýtattary jáne úkimettik emes uıymdardyń ókilderi qatysty. Qujattyń negizgi maqsaty ákimshilik kedergiler týdyratyn normalardy alyp tastaýǵa, taýar belgileri men ónerkásip nysandaryn paıdalaný sharttaryn jetildirýge baǵyttalǵan.
Jańa zań jobasy boıynsha 12 zańnamalyq aktige 188 túzetý engizý usynyldy. Jańa qujattyń basty-basty degen birqatar jańalyqtary bar ekenin aıta ketý kerek. Zań jobasyn Memleket basshysynyń Ekonomıkalyq yntymaqtastyq jáne damý uıymynyń zııatkerlik menshikti qorǵaý salasyndaǵy standarttaryna júıeli túrde ótý jónindegi tapsyrmasy boıynsha vedomstovaralyq jumys toby ázirlegen.
Zań jobasynyń basty jańalyqtaryna naqtyraq toqtala keteıik:
Birinshiden, zııatkerlik menshik obektilerin tirkeýdiń bir deńgeıli júıesi qurylady.
Ekinshiden, daýlardy sotqa deıingi retteý múmkindigin keńeıtý qarastyrylyp otyr. Atap aıtqanda, appelıasııalyq keńeske taýar tańbalary men fırmalyq ataýlardyń uqsastyǵy boıynsha, sondaı-aq taýar tańbalaryn agent, dıstrıbıýtor atyna tirkeý boıynsha daýlardy qaraý ókilettigin berý máselesi kórinis tapqan.
Úshinshiden, quqyq ıelenýshilerdiń taýar tańbasyn zańsyz paıdalanǵany úshin ótemaqy alý quqyǵyn qamtamasyz etý usynylyp otyr. Aıta ketý kerek, ol avtorlyq quqyq salasyndaǵy buzýshylyqtarǵa qatysty ótemaqyǵa uqsas – 500-den 10 000 AEK deıin.
Tórtinshiden, taýar tańbalaryna ótinimderdi saraptama uıymyna túsken mátten bastap jarııalaý isi qamtylyp otyr.
Arnur ASQAROV, «Egemen Qazaqstan».
