Tuńǵysh ret uıymdastyrylǵan jarystyń basty maqsaty – bolashaq talapkerlerdiń mamandyq tańdaýyna yqpal etý, mektep túlekteriniń keleshekteıgeretin kásipterine degen qyzyǵýshylyqtaryn arttyrý.
Jastardyń zııatkerlik áleýetin jáne oqý ornynyń qoǵamdaǵy ımıdjin arttyrý baǵytyndaǵy bilim saıysy 2 kezeń boıynsha uıymdastyryldy.
Saıystyń irikteý kezeńine elimizdiń barlyq aımaǵyndaǵy bilim berý mekemelerinen 100-den astam oqýshy qatysty. Olar aǵylshyn tilinen test tapsyryp, bazalyq bilimin tekserýge múmkindik aldy.Dodaǵa qatysýshylar bul týrda leksıkalyq-grammatıkalyq test suraqtaryna jaýap berip, aýdıomátin jáne vıdeomaterıaldar boıynsha tapsyrmalar oryndady. Birinshi kezeń boıynsha 11 oqýshy 70 paıyz ball jınap, aqtyq aınalymǵa joldama aldy.
Aqtyq kezeńniń «Introducing» týrynda ár oqýshy ózin, mektebin tanystyrý maqsatynda jahandaný zamanyndaǵy «What’s a Digital Lady» taqyrybynda 2 mınýttyq beınebaıan túsirip, HHI ǵasyrdaǵy «Digital Lady» beınesin usyndy. Al «Magic Box» týrynda bilim men tanymdy aıqyndaıtyn tapsyrmalardy oryndasa,«Juldyzdy suraq» bóliminde qatysýshylar ýnıversıtette bilim beretin professor-oqytýshylar qoıǵan suraqtarǵa jaýap berdi.
Birneshe satyly jarys qorytyndysy boıynsha Almaty oblysynyń «Úshqońyr» orta mektep-gımnazııasynyń oqýshysy Dılıara Arynova úzdik atanyp, birinshi orynǵa ıe boldy. Ekinshi oryn Almaty qalasyndaǵy №86 mekteptiń oqýshylary Aıda Orazbek pen Dana Sábıtovaǵa buıyrdy. Al úshinshi oryndy Túrkistan oblysyndaǵy №3 Hamza jalpy orta mektebiniń oqýshysy Shahrýza Sultanbekova, Almaty qalasyndaǵy №86 mektep gımnazııanyń oqýshysy Armanda Qasenova men Shymkent qalasyndaǵy Q. Sypataev atyndaǵy orta mekteptiń oqýshysy Leıla Qurmashına ózara bólisti.
Jeńimpazdar men júldegerler arnaıy dıplomdarmen, Alǵys hattarmen jáne sertıfıkattarmen marapattaldy.
Olımpıadada «júzden – júırik...» shyqqan oqýshy Qyzdar ýnıversıtetiniń Tilderdi oqytý ortalyǵynda 4 aı merzim kóleminde aǵylshyn tilinen bilimin aqysyz negizde tereńdetýge múmkindik aldy.
