Bul Kaspi.kz. qosymshasynda iske qosylǵan mobıldi bankıng arqyly kólik quraldaryn qaıta tirkeý servısi arqyly múmkin boldy.
«Ádette, avtokólik satyp alý, tirkeýden shyǵarýdyń uzaq prosesine jáne mamandandyrylǵan HQO-ǵa barýǵa baılanysty bolatyn. Endi Kaspi.kz. qosymshasynda iske qosylǵan mobıldi bankıng arqyly kólik quraldaryn qaıta tirkeý servısin paıdalana alamyz. Osyndaı qolaıly, ýaqytty únemdeıtin servısterdiń iske asyp jatqanyna qýanyshtymyz», - deıdi Jánibek Álibekov.
«Satýshy da, satyp alýshy da óz smartfondaryndaǵy qosymsha arqyly, avto HQO-larǵa kelmeı-aq kóligin rásimdeı alady. Pandemııa kezinde HQO-larda adamdardyń kóp jınalýynan týyndaıtyn beıberekettiktiń jolyn kesýdiń taǵy bir ońtaıly joly – mobıldi bankıng arqyly kólik quraldaryn qaıta tirkeý servısi. Barlyq avtosúıer qaýymǵa osy servısti paıdalanýǵa keńes beremiz», - deıdi «Azamattarǵa arnalǵan úkimet» memleketti korporasııasy Almaty qalasy fılıalynyń dırektory Danııar Qyryqbaev.
Kólikti satyp alýshy men satýshy smartfondaryn qoldana otyryp kólikti satyp alý nemese satý úshin kelesideı qadamdar jasaıdy:
Avtokólikti satý nemese satyp alý úshin qosymshany ashyp, "tólemder"sanatyn tańdaý kerek. Ári qaraı "Memlekettik qyzmetter, aıyppuldar men salyqtar" tólem túrin tańdaý kerek. Munda kóptegen qyzmetter ashylady. Sonyń ishinde "kólikti qaıta resimdeý" sanaty tańdalady.
Osydan keıin satýshy men satyp alýshyǵa arnalǵan áreketterdiń eki nusqasy ashylady. Iаǵnı, satýshy da, satyp alýshy da smartfondaryndaǵy aldyńǵy aıtylǵan qadamdardy oryndaýy kerek.
Avtokólik satýshysy óziniń banktik mobıldi qosymshasynda "men satýshymyn" opsııasyn belgilep, satý somasyn kórsetedi. Sodan keıin ol mashınany sol qosymshada esepten shyǵarady.
Satýshy avtokólikti esepten shyǵarǵan kezde servıs kólik quralyna aýyrtpalyqtardyń, aıyppuldardyń jáne salyq beresheginiń bar-joǵyna avtomatty túrde tekserý júrgizedi. Eger tólenbegen salyqtar men aıyppuldar bolsa, satýshy olardy birden qosymshada tóleı alady.
Sodan keıin satyp alýshy "Men satyp alýshymyn" opsııasyn tańdaıdy. Budan ári ol "avtomobıldi esepke qoıý" batyrmasyn basyp, osy avtomobıldi esepke qoıady jáne arnaıy shotqa satyp alý úshin qajetti somany engizedi.
Tirkeý barysynda ol baj salyǵyn tóleıdi jáne nómir belgisin tańdaıdy. Mashınany satyp alýshy tirkegennen keıin arnaıy shottan aqsha avtomatty túrde satýshyǵa aýdarylady.
Mámile jasalǵannan keıin satyp alýshy tehpasportty jáne óziniń jańa avtokóliginiń tirkeý nómirlik belgilerin jetkizip berýge tapsyrys bere alady. Nemese ózine yńǵaıly, jaqyn jerdegi Mamandandyrylǵan HQO-ny belgilep, daıyn qujattardy alyp ketýine bolady. Qyzmet 9:00-den 18:00-ge deıin qoljetimdi.
Qyzmetterdi osylaısha onlaın alyp, ózińizdi jáne jaqyndaryńyzdy qorǵańyzdar.
