Buryn bala ózdiginen tamaqtana almaı̆tyn, ol asqazandaǵy arnaı̆y tútikshemen as ishetin. Operasııa nátıjesinde balanyń týǵannan tamaq ótpeı̆tin óńeshi asqazanǵa jalǵandy. Ota 5 saǵatqa sozylǵan. Endi óńeshtiń qyzmetin asqazannyń bir bóligi atqarady jáne bala aýzymen ózi tamaqtana alady.
Hırýrgııa bóliminiń meńgerýshisi, medısına ǵylymdarynyń doktory Ahparov Nurlan Nurkınulynyń týa bitken as qorytý joly aqaýlaryn hırýrgııalyq jolmen túzetý salasynda tájirıbesi mol.
Búginde balanyń jaǵdaı̆y jaqsy, ol reanımasııadan bólimshege aýysty, ózi tamaqtanady.
Jyl saı̆yn PBHǴO-da óńirlerden kelgen 300-den astam balaǵa týa bitken as qorytý organdary aqaýy boı̆ynsha operasııa jasalady. Sheteldik mamandardyń kómeginsiz óńeshti aýystyrý operasııasy Qazaqstanda tek PBHǴO-da jasalady, jylyna orta eseppen osyndaı̆ 6-7 operasııaǵa túrli ádisteme qoldanylady.
Bala bitkende uryqtyń damýyna túrli faktor áser etýi múmkin, sonyń saldarynan náreste aýrý bolyp týady. Sondyqtan, ana densaýlyǵyn kútý, júkti áı̆elderdi ýaqtyly esepke alý jáne olardy únemi dınamıkalyq baqylaý óte mańyzdy.
