Jyl basynda qala ákimdigi qoǵamdyq kólikterge valıdator ornatylyp, 9-aqpannan bastap avtobýstar jolaqy qabyldaýdyń jańa tártibine tegis kóshetinin málimdegen. Ákimdik tólem kartalaryn almaǵan jolaýshylar úshin 150 teńge mólsherindegi qolma-qol jol aqysyn belgilep otyr.
Áleýmettik jelini sharlap ketken beınejazbada avtobýs júrgizýshileri jolaqy tóleminiń jańa júıesine narazylyq bildirdi. Júrgizýshiler ózderine laıyqty eńbekaqy taǵaıyndap, jumys istemeı qalǵan valıdator úshin jaýapkershilikten bosatýdy talap etedi. Sondaı-aq, kondýktorlyq mindetten bas tartyp otyr.
Qoǵamdyq kólik júrgizýshileri qolma-qol jol aqysynyń negizsiz qymbattaýy týraly da másele kóterdi. «Jolǵa 150 teńge tóleý qala turǵyndarynyń kóbine, ásirese stýdentterge, jastarǵa, qarapaıym jumysshy adamdarǵa aýyr tıedi», - dedi beınejazbadaǵy er adamdardyń biri.
Qala ákiminiń orynbasary Ánýarbek Kasımov bul jaǵdaıdan habardar ekenin aıtty.
«Júrgizýshilerdiń 8-aqpan kúni narazylyq tanytýy ekitalaı. О́ıtkeni biz, birinshiden, tenderdi utyp alǵan zańdy tulǵalarmen jumys istep jatyrmyz. Kelisim-shartqa sáıkes, olardyń avtobýsy mindetti túrde marshrýtqa shyǵýy tıis. Eger keleńsiz jaǵdaı oryn alatyn bolsa, qolymyzda konkýrstyq qujattar men jolaýshylar tasymaly týraly kelisim-shart bar. Máseleniń bárin zań sheńberinde sheshemiz, - dedi ákim orynbasary.
