О́ńirler boıynsha eń joǵary jalaqy Atyraý oblysynda tirkelgen. Oblys turǵyndary orta eseppen aıyna 377,4 myń teńge alady. Bul elimizdegi ortasha aılyqtan 61,9% joǵary. Odan keıingi orynda elorda (349,6 myń teńge) men Mańǵystaý oblysy (337,7 myń teńge). Eń tómengi ortasha aılyq Túrkistan oblysynda (166,7 myń teńge) tirkelgen. Odan keıingi orynda Jambyl (168,8 myń teńge) jáne Soltústik Qazaqstan (168,9 myń teńge) oblystary.
Sonymen qatar eńbek aqy boıynsha mamandyqtar arasynda úlken aıyrmashylyq bar. Máselen, taý-ken salasynda jumys isteıtinderde eń joǵary (472,3 myń teńge) aılyq tirkelgen. Odan keıingi orynda qarjy jáne saqtandyrý (422,6 myń teńge) salasy.
Al sýmen qamtý (145,7 myń teńge) jáne aýyl sharýashylyǵy (147,7 myń teńge) mamandary orta eseppen eń tómengi jalaqy alady. Sondaı-aq bilim berý salasynda eńbek etetinderdiń aılyǵy orta eseppen 176,5 myń teńge. Bul elimizdegi ortasha kórsetkishten 24,3% tómen. Densaýlyq saqtaý salasy mamandaryna aı saıyn 197,4 myń teńge tólenedi.
Osylaısha elimizde ustazdar men dárigerlerdiń jalaqysy munaıshylar men qarjygerlerden 2 ese tómen.
