OAR Densaýlyq mınıstri Zvelı Mkhıze: «Zertteýler bul vaksınanyń atalǵan shtammǵa qarsylyǵy tómen dárejeni kórsetti, sondyqtan ekpe salýdy toqtata turamyz. Sol sebepten óndirýshi kompanııadan osy jaıtqa qatysty usynymdar kútemiz, AstraZeneca bul jaıynda habarlandy», dep vaksınasııanyń elde toqtamaıtynyn kelesi aptadan bastap tórt jumanyń ishinde Johnson & Johnson men Pfizer jetkiziletinin kútip otyrǵanyn, onymen eń aldymen medısına qyzmetkerleri qamtylatynyn jetkizdi.
Záńgi jurty negizinen zertteý qortyndylary shyqpastan buryn vaksınanyń 1 mln dozasyn satyp alǵan eken, al onyń ońtústikafrıkalyq shtammǵa degen tıimsizdigi 7 aqpanda belgili boldy. Financial Times basylymy 2 myń adamǵa jasalǵan vaksına qortyndysyn jarııa etken soń OAR-nyń úkimeti halqyn tıimsiz ekpeden qorǵamaq nıette osyndaı qadamǵa bardy.
Maqalada vaksınanyń aýrýdy jeńil jáne orta dárejede juqtyrýlar boıynsha qorǵaýy mardymsyz ekeni kórsetilip, al aýyr túrimen jáne dúnıe salý derekteri boıynsha zertteýler júrgizilmegeni aıtylypty.
