Ákimdiktiń jumysty jaqsy júrgizip jatqanyn qala turǵyndary kúndelikti ómirde óz kózderimen kórip júr. Mysaly, qalany abattandyrý, jaryqtandyrý jáne joldardy jóndeý jumystary únemi alǵa basyp kele jatqany kózge birden túsedi. Qazir Petropavldyń kósheleri túngi mezgildiń ózinde samaladaı jarqyrap turady. Osynyń ózi turǵyndardyń kóńil-kúıin kóterip turatyny belgili.
Bolat Jumabekovtyń baıandamasynda byltyrǵy jaman indettiń kedergi jasaýyna qaramaı 40 turǵyn úı salynǵan, onyń 26 bıýdjet qarajatynyń, 14 jekemenshik kapıtaldyń kúshimen salynǵany aıtyldy. Bul 183,5 myń sharshy shaqyrym turǵyn úı paıdalanýǵa berildi degen sóz. Turǵyn úıler qalanyń «Jas órken», «Bereke» sııaqty móltek aýdandarynda jáne Sh.Ýálıhanov kósheleriniń boıynda salynýda. Mundaǵy jańa úılerdiń arasyna turǵyndardyń tynystaıtyn oryndary, balalardyń oıyn alańdary da qatar turǵyzylýda. 95 úılerdiń aýlalary abattandyrylǵan.
Byltyr Petropavldyń ekonomıkasyna jalpy somasy 98 mlrd. teńgeniń ınvestısııasy quıylǵan. Bul 2019-ben salystyrǵanda 28,4% artyq. О́nerkásip óndiristeri aldyńǵy qatarda eńbek etip kele jatqan «Radýga» JShS – 1,5, «Petromashzavodta» – 2, «ZIKSTO»-da 5 ese artqan. Al Kırov atyndaǵy zaýytta zamanaýı komıýterler, planshetter shyǵaryla bastady. О́tken jyldyń sońyna qaraı olardyń 54 myń danasy qurastyrylǵan. Al bıyl Petropavlda ındýstrııalyq-ınnovasııalyq damý baǵdarlamasy aıasynda 3 aýqymdy joba iske asyrylmaq. Bul maqsatqa 5,3 mlrd teńge qarastyrylyp otyr. Nátıjesinde, 300-den astam adam jumyspen qamtylady. Oblys ortalyǵyn abattandyrý jumystary aldaǵy ýaqytta da jalǵasyn tabady. Jańa sport jáne balalar oıyn alańdary salynyp, aýlalarǵa asfalt tóselmek.
Árıne, jumystyń bári maıdan qyl sýyrǵandaı jaıly júrip jatqan joq. Esepti tyńdaýǵa qatysyp otyrǵan oblys ákimi Qumar Aqsaqalov byltyr qalanyń qoǵamdyq kóligi úshin 100 jańa avtobýsqa aqsha bólingendigin, alaıda búginge deıin sonyń 7-eýi ǵana kelip túskenin qatty synady. Bul oblystyń kólik basqarmasynyń ǵana emes qala ákimdiginiń de jumysynyń shalalyǵy dep ol atap kórsetti.
Sonymen birge medısınalyq kadrlardyń tapshylyǵy da áli kúnge joıylmaǵan. Máselen, úshinshi qalalyq emhanada áli alty maman jetispeıdi eken. Onyń ishinde oftalmolog, endokrınolog, balalar travmatology, lor, ÝDZ mamany jetispeıdi.
Qala ákimi turǵyndardan áleýmettik jeliler arqyly kelip túsken júzdegen suraqtarǵa da jaýap berdi. Negizinen jekemenshik úıler ıelerinen túsken bul suraqtardyń bári de júıeli jumys barysynda sheshiletinder ekendigi kórinip tur. Máselen, aýlalardyń asfalttandyrylýy, túngi jaryqtardyń bolmaýy, avtobýs aıaldamasynyń uzartylýy jáne t.b. Ákim olardyń bárine de tyńǵylyqty jaýap berdi.
