Almatydaǵy vaksınasııalaýdyń 1 kezeńin ótkizý barysy týraly Almaty qalasy qoǵamdyq densaýlyq Basqarmasynyń dáriger-epıdemıology Elvıra Ibragımova baıandady.
Medısına qyzmetkerlerine birinshi kezeń úshin 1 750 doza vaksına alyndy, sáıkesinshe, ekinshi kezeń úshin 1750 dozanyń jetkizilýi kútilýde. Vaksına 2 kezeń júrgiziledi, basynda 0,5 ml dozada birinshi komponent, keıin 21 kúnnen keıin 2 komponentpen taǵy da 0,5 ml engiziledi, osylaısha, vaksınanyń birinshi dozasy ımmýndyq jaýapty iske qossa, ekinshisi ony kúsheıtedi.
8 aqpanda birinshi komponent vaksınasymen 1 315 medısına qyzmetkeri qamtyldy. 59 jaǵdaıda vaksınasııa keıinge qaldyryldy jáne 2 adam vaksınasııadan bas tartty.
2021 jyldyń 21 aqpanynan qyzmetkerlerdi ekinshi komponentpen vaksınasııalaý jalǵasady.
Vaksınasııany júrgizý úshin árbir aýdanda egý kabınetteri men egý brıgadasy daıyndaldy. Immýndaý barlyq erejelerdiń qatań saqtalýymen jáne «sýyq tizbekti» saqtaý arqyly júrgiziledi. Qosymsha baqylaý organdarmen vaksınanyń ortalyqtandyrylǵan saqtaý qoımasyna jetkizilý barysy, onyń medısınalyq uıymdarǵa tasymaldanýy jáne vaksınanyń jetkizilýi tekseriledi.
